Con esta visita á Mariña lucense, os deputados populares inician unha rolda de visitas a todos os concellos da provincia para coñecer ás necesidades existentes en cada municipio e estudar as posibles solucións que se poden poñer en marcha dende a Deputación
Ribadeo, 5 de xullo de 2023. Deputados do Grupo Provincial do PP na Deputación de Lugo visitaron hoxe o concello de Ribadeo no que foi o comezo da actividade do grupo na provincia, unha xornada de traballo “moi interesante e que comezou por un dos concellos que se recuperaron nas eleccións do pasado 28 de maio”, tal e como recoñeceu o voceiro Antonio Ameijide.
O propio Ameijide e a vicevoceira do Grupo Provincial, Carmen José López, visitaron xunto ao alcalde de Ribadeo, Daniel Vega, diferentes puntos do concello mariñán e comprobaron como as primeiras decisións do rexedor popular xa deron os seus froitos, como:
Un plan de aseo urbano intensivo, tanto de baldeo das rúas, recollida de residuos e limpeza viaria, xa que é un dos principais compromisos de Daniel Vega
A estabilización dunha das baixadas á praia do Cargadeiro
O acondicionamento da rúa Casa do Pobo.
Tanto Ameijide como López puxeron en valor o traballo que está a facer Daniel Vega nos días que leva na alcaldía, “que en realidade é a continuidade do gran esforzo que fixo na oposición, fiscalizando a acción de goberno e sempre dando solucións positivas aos problemas da veciñanza de Ribadeo”.
Para os vindeiros días os deputados populares xa teñen programadas tamén visitas a outros concellos como Trabada ou Barreiros, nunha serie de visitas que os levarán a estar en todos os concellos da provincia “para coñecer ás necesidades existentes en cada municipio e estudar as posibles solucións que se poden poñer en marcha dende a Deputación”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
