Barreiros, 4 de xullo de 2023. Arredor de 150 persoas participaron o pasado sábado na Romaría do Santo Estevo do Ermo, en Barreiros, que organizou a asociación Camiñantes e Camiños.
O seu presidente, José Manuel Gómez Puente, destacou “o ambiente familiar, festivo e alegre que vivimos, acompañado dun día estupendo de sol, que axudou a resaltar as cores verdes da fraga”.
A xornada deu comezo cunha ruta de sendeirismo, á que seguiron a misa, a procesión, a sesión vermú e o xantar. Gómez Puente contou que “o sábado comezou coa ruta de sendeirismo, que foi circular. Empezamos na Capela e fomos percorrendo a ruta do Santo Estevo do Ermo. Foron dúas horas de andaina na que participaron 26 persoas”.
O presidente de Camiñantes e Camiños seguiu a relatar que “despois asistimos á misa, que é o acto central desta festa, na que cantaron Airiños do Mar, un coro de Barreiros, e logo houbo procesión acompañada por gaiteiros tamén do noso concello. A continuación seguiu a sesión vermú, amenizada por un dj e xantar no que 150 persoas comendo arredor da Capela”.
Para José Manuel Gómez Puente “esta boa acollida anímanos a seguir facendo esta romaría, a recuperar tradicións coma esta. O evento foi costeado pola asociación e pola Xunta, a través da Axencia de Turismo de Galicia, e queremos agradecerllo”.
A Romaría de Santo Estevo do Ermo rematou entrada a madrugada con baile e con queimada: “pola tarde houbo teatro con Pico do Castro, que nos fixo rir moito. Pasamos un día moi agradable, que rematou cunha cea, con música e con queimada ata ben entrada a madrugada. O sitio é envexable. Agardamos que a xente se anime e que o vindeiro ano sexamos 300 persoas. O máis importante é que sintan o Santo Estevo do Ermo como algo propio”, engadiu o presidente de Camiñantes e Camiños.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
