Burela, 13 de xullo de 2023. Burela converterá os areais en espazos máis vivibles. Así o asegurou a alcaldesa, Carmela López, tras a xuntanza mantida hoxe polo comité de praias na que se abordaron cuestións como a limpeza ou a falla de socorristas.
A rexedora e presidenta do comité de praias contou que “o que fixemos neste encontro foi por en valor os centros azuis (a Aula Medio Ambiental Gaia e o barco museo Reina del Carmen), onde se izará a bandeira marcando este como o acto institucional principal”.
Enriba da mesa estivo tamén a escaseza de socorristas: “abordamos a problemática que sufrimos un verán máis ante a falla de socorristas e a xestión realizada desde Burela ao contratar aos técnicos sanitarios. Coas posibilidades que tiña enriba da mesa o pasado 19 de xuño a opción elixida foi a mellor”. E engadiu: “esta mañá tamén falamos de posibles alternativas de cara ao vindeiro ano. Imos trasladarlle á Fegamp e á Mancomunidade -xa coñecedores da problemática e de que o sistema actual marcado pola Xunta de Galicia non funciona- a necesidade de tentar alcanzar melloras e así evitar que isto se converta nunha loita entre concellos para conseguir socorristas para as nosas praias”. Para Carmela López “tal e como está plantexado na actualidade queda claro que o sistema falla e vese que favorece a contratación de servizos privados.”
A rexedora contou que “tamén analizamos a limpeza que estamos a realizar nas praias, así como as inversións que estamos a facer en sinalización e en mobiliario, investimos en cambiadores novos porque precisan ser substituídos. Levo a Concellería de Medio Ambiente e son a presidenta deste comité de praias e quero investir e darlle un xiro á vida das nosas praias porque xullo e agosto non son suficientes”.
López subliñou que “a proposta que levei a esta reunión é converter as praias en espazos máis vivibles, queremos que a vida nos areais non se limite so aos meses de xullo e agosto, senón que é preciso anticiparse en todo, é dicir preparar as praias antes e que a partir de xuño poidamos gozar delas”.
O secretario do comité de praias, Mario Pillado, sinalou que “emprazamos aos membros do comité a unha nova convocatoria trala tempada estival para facer balance da mesma, así como tamén anunciamos que o vindeiro ano farase unha convocatoria previa, na primavera, para preparar a nova tempada de verán. Deste xeito buscamos a maior anticipación e previsión posible”.
O comité de praias está formado por: Carmela López Moreno (Alcaldesa e presidenta do comité); Ramiro Fernández Rey (Concelleiro de Obras e Servizos e coordinador do comité); Mario Pillado Mon (Concelleiro de Educación e secretario do comité); Félix Alberto Martins GonÇalves (representante do grupo municipal do Partido Popular); Alberto Eiroá Pérez (representante do grupo mixto); Juan Luis Moreno Cazorla (representante da empresa de abastecemento e saneamento de auga); Luis Torre e Belén González (representantes da empresa de xestión dos residuos); Jose Emilio García López (xefe de Protección Civil); José Manuel Rey Barcia (representante da asociación de veciños O Vencello) e Manuel Vicente Galdón Couto (xefe da Policía Local).
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
