Arxentina lidera o número de votantes CERA, con 31.579 persoas que teñen dereito ao voto nas eleccións, séguenlle Cuba, Estados Unidos e Uruguai. Suíza é o primeiro país europeo na lista, con 2.758 votantes
Lugo, 14 de xullo de 2023. A subdelegada do Goberno en Lugo, Isabel Rodríguez, celebrou hoxe a “normalidade democrática” que supón que 69.098 lucenses en 94 países de todo o mundo poidan participar nas vindeiras Eleccións Xerais sen ter que solicitar previamente o voto. “Estas eleccións constatan a fin dunha inxustiza histórica coa cidadanía lucense no exterior”, sinalou a subdelegada, xa que son as primeiras que afectan a Galicia tras a modificación en 2022 da Lei do Réxime Electoral Xeral (LOREJ). A subdelegada apuntou que a modificación da lexislación electoral suprimiu os trámites que tiñan que facer as persoas no exterior para poder manifestar un dereito constitucional básico, o de participar na elección dos seus representantes.
“Todas estas persoas van participar e decidir o presente e o futuro deste país en igualdade de condicións co resto dos seus compatriotas”, subliñou Isabel Rodríguez quen amosou a súa confianza en que “a voz da Lugo exterior” se escoite con rotundidade nas eleccións do 23 de xullo, reflectindo o peso que o CERA ten no censo total da provincia, dun 20%.
Así mesmo, lembrou que aínda que non son as primeiras eleccións que se celebran dende a aprobación da modificación da LOREJ, nas eleccións municipais de maio o CERA non tiña dereito a voto polo que, na práctica, este é o primeiro proceso electoral que impacta en Galicia coa nova lexislación.
94 países con lucenses
A subdelegada remarcou que a participación do CERA supón un esforzo loxístico non coñecido previamente. Dos 94 países nos que hai lucenses do censo CERA, 65 países contan con 50 ou menos votantes e, deles, en 20 só hai unha persoa censada e en 8 países, dúas persoas censadas.
A Subdelegación do Goberno facilita o contido dos sobres que están chegando xa as persoas no exterior. A documentación remítese a través do INE en dous envíos. Un primeiro con sobres de votación e coa dirección da Xunta Electoral competente; os certificados de inscrición no censo e unha folla informativa. Nun segundo envío postal, os electores e electoral recibiren as papeletas. A Subdelegación destina para o voto no exterior as papeletas que corresponden aos xogos completos da candidaturas ao Congreso e ao Senado que se facilitan a cada votante. Esta documentación será a que empreguen para depositar o voto, ben nos locais habilitados nos países de destino ou ben por correo certificado.
Distribución por países
Arxentina segue a ser o país con maior número de votantes CERA, con 31.579 persoas que teñen dereito ao voto nas eleccións. A este séguenlle Cuba (15.358); Estados Unidos (2.821) e Uruguai (2.767). Suíza é o primeiro país europeo, con 2.758 votantes; Filipinas (29) é o primeiro país en votantes da provincia do continente asiático e Marrocos (11) o primeiro de África.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
