Foz, 29 de xullo de 2023. O colectivo de usuarios da praia de Tupide que puxo en marcha a recollida de sinaturas para demandar que se modifique a ordenanza sobre a permanencia de mascotas nesta praia durante os meses de verán, rematou este sábado ás 16h a devandita campaña.
“En primeiro lugar queremos agradecer os numeros apoios que recibimos por parte de veciñas e veciños, propietari@s de segundas vivendas e turistas en xeral, pois en menos de mes e medio acadamos 608 sinaturas”.
Serán rexistradas no Concello e entregadas ao 1º Tenente de Alcalde e Concelleiro de Medio Ambiente, Francisco Fanego, quen os recibirá este luns. Alí se lle exporán os motivos da reivindicación e solicitaráselle que inicie as xestións que considere oportunas encamiñadas a correxir a ordenanza que rixe en Tupide para que se axuste ao que establece o artigo 49.4 do Decreto 153/1998 do 2 abril sobre o regulamento de protección dos animais domésticos e salvaxes en cuatividade, onde se prohibe ou se limita zonal e cronoloxicamente a permanencia de cans nas praias, especialmente se estas son frecuentadas por nenas e nenos.
“Puxemos a andar esta iniciativa despois de comprobar durante 4 anos de vixencia da actual ordenanza que a simultaneidade nunha praia urbana que non chega aos 200 m de largo e 25 de ancho -unha praia moi pequena en pleno casco urbano-, xera situacións de confictividade e sobre todo de inseguridade para as nenas e os nenos, que algunhas veces se tornaron perigosas para a súa integridade física. Para que as nenas e nenos poidan disfrutar do sentido de liberdade que deberían experimentar a esas idades na praia, xogar ou nadar tranquilamente e sobre todo para que non haxa que lamentar unha desgraza que en calquera momento pode suceder, agardamos que se impida a simultaneidade de mascotas e bañistas e se faga cumplir con rigor o que estable o citado artigo por tratarse dun areal frecuentado por moit@s pequen@s”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
