A Deputada de Economía, Mayra García Bermúdez, participou este mércores na inauguración desta cita organizada pola Asociación de Profesores de Automoción de Galicia (APAGA) á que acoden 50 profesionais do sector, estudantado e afeccionados
Lugo, 30 de agosto de 2023. A Deputada de Economía, Recadación, Facenda e Especial de Contas, Mayra García Bermúdez, participou este mércores na inauguración do XII Forum de Innovación e Formación sobre Vehículos, organizado pola Asociación de Profesores de Automoción de Galicia (APAGA) en Ribadeo. Esta cita, que reúne a 50 profesionais, estudantes e afeccionados do sector, celébrase ata o venres e conta con numerosas actividades relacionadas co mundo da automoción.
A Deputación colabora con esta xornada cunha achega económica de 3.000 euros co obxectivo de impulsar e apoiar o sector do automóbil. García Bermúdez valorou este apoio a APAGA e puxo en valor a importancia destas xornadas cun programa “que cada ano vén máis completo e con conferencias de alto nivel”. “O sector da automoción está experimentando un complexo proceso de renovación e resulta crucial crear este tipo de espazos de encontro, de reflexión e de aprendizaxe”, engadiu na súa intervención.
“A Deputación de Lugo ten unha firme aposta de colaboración co tecido asociativo -social ou profesional– da nosa provincia. E os obxectivos fundacionais de APAGA, coa súa aposta pola formación e pola información, benefician, non só a un amplo conxunto de profesionais do sector, senón que aportan seguridade e coñecemento ó conxunto da sociedade”, subliñou a Deputada, quen recalcou a especial capacidade deste colectivo “para integrarse en proxectos pioneiros de formación a nivel internacional, englobados baixo o prestixioso paraugas das políticas Erasmus+ da Unión Europea”.
García Bermúdez tamén tivo palabras para o alumnado, pedíndolle que aproveite “ao máximo aos conferenciantes e persoas que van pasar por aquí para darlle resposta ás súas inquedanzas e seguir medrando como profesionais”, ao tempo que tamén os animou a que no seu tempo de lecer estes días “coñezan Ribadeo e esta marabillosa comarca, onde estou segura de que seredes moi ben recibidos”.
No acto de inauguración tamén participaron o presidente de APAGA, Álvaro Doural Leiras, o Alcalde de Ribadeo, Daniel Vega, e a xefa territorial de Cultura da Xunta de Galicia en Lugo, Sagrario Sánchez.
Logo da apertura do foro, esta décima segunda edición acolleu unha conferencia a cargo do enxeñeiro Manuel Lage sobre a historia do automóbil en España. Así mesmo, está previsto que se afonde en temas de interese para o sector, como os novos motores de hidróxeno e os vehículos eléctricos. Ao longo desta semana contarase coa participación de empresas como Robert Bosch, Anest Iwaca Ibérica ou URO Vehículos Especiais, entre outras conferencias e actividades. No marco do programa das xornadas tamén está previsto que as persoas que integran APAGA elixan unha nova directiva.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
