A Xunta de Goberno aprobou destinar 100.000€ entre este 2023 e o ano 2027 para o funcionamento da entidade, que ten actualmente en marcha tres liñas de actuación: unha piscifactoría, un polígono agroecolóxico e unha explotación de Porco Celta
Lugo, 4 de agosto de 2023. A Xunta de Goberno da Deputación de Lugo aprobou colaborar coa Fundación TerrEo, impulsada polo Concello de Ribeira de Piquín para favorecer o dinamismo económico e a creación de emprego no rural, facendo unha achega de 100.000€ en catro anualidades -entre este 2023 e o ano 2027-, que estará destinada á contratación da xerencia da entidade.
Así o explicou a Voceira socialista do Goberno, Pilar García Porto, quen lembrou que con este convenio de colaboración a institución provincial reforza o seu apoio á actividade da Fundación TerrEO, pois xa coopera para o funcionamento da piscifactoría de Santalla, unha das tres liñas de actuación que actualmente ten en marcha esta entidade, xunto cun polígono agroecolóxico e unha explotación de Porco Celta.
“Comprometémonos con esta iniciativa porque concorda co modelo de desenvolvemento rural que defendemos na Deputación”, pois aproveita “os enormes recursos e potencial que temos na provincia para crear riqueza e emprego, e polo tanto, contribúe a fixar poboación”, subliñou a Deputada.
Por outra banda, no marco da liña permanente de cooperación cos concellos da provincia, a Xunta de Goberno aprobou colaborar co Concello de Vilalba cunha achega de 27.000€ para a organización das festas patronais de San Ramón e Santa María, que este ano se celebrarán entre o 23 de agosto e o 3 de setembro.
García Porto destacou que se trata duns festexos que supoñen “un auténtico revulsivo económico para a capital chairega, sobre todo no sector da hostalería, do comercio e do turismo, porque a vila recibe a milleiros de persoas para desfrutar da cita festiva”.
Mellora de vías en Guitiriz e Barreiros
A Xunta de Goberno celebrada hoxe deu luz verde á solicitude do Concello de Guitiriz para destinar á pavimentación da rúa da Soidade os 12.200€ de remanentes resultantes da execución das obras para acondicionar un paseo peonil na rúa Manuel María, financiadas pola Deputación de Lugo.
Así mesmo, saíu adiante a petición do Concello de Barreiros para destinar remanentes do Plan Único 2023 por importe de 34.700€ ao acondicionamento e a rexeneración de accesos a seis campos da festa do municipio: Cabarcos, Matomaior, Sante, Romiña-O Barreiro, Vilar e Proida-Camiño Real.
A Xunta de Goberno aprobou o último trámite para o pago dunha subvención de 6.000€ á comunidade de Montes Veciñais en Man Común de Santa Cruz e Capela de Ove, en Ribadeo, para o equipamento do seu local social. Esta axuda foi concedida dentro do programa para a Dotación e Mellora de Servizos Comunitarios da Deputación de Lugo.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
