Ribadeo, 25 de agosto de 2023. As bandeiras do Concello ondean a media asta en sinal de loito polo pasamento de José Calavera Ruiz, fillo adoptivo de Ribadeo, que falecía nas últimas horas en Madrid.
O alcalde, Dani Vega, dixo que “as bandeiras do Concello están a media asta. Estamos tristes, consternados pola morte de José Calavera. Desde logo aos bos e xenerosos hai que recordalos e tamén mostrar un sinal de respecto, por iso están as bandeiras a media asta e o recordo sempre no corazón dunha persoa que fixo moito por Ribadeo, que entregou moito a Ribadeo e por iso nosoutros queremos recordalo, render unha homenaxe e mandarlle unha aperta moi forte á súa familia”.
O rexedor comentou que “no vindeiro pleno seguramente recordaremos a figura de José Calavera e que tamén preparemos unha homenaxe a este fillo adoptivo de Ribadeo. Recordámolo, sempre respectemos as figuras como José Calavera, esas persoas boas e xenerosas que fan tanto polo seu pobo, un pobo de adopción, pero sen lugar a dúbidas un pobo que o quere e que o respecta”.
José Calavera Ruiz era catedrático e enxeñeiro de Obras Públicas e Camiños, foi presidente de Intemac e no 2012 foi nomeado fillo adoptivo de Ribadeo polo seu altruísmo e empeño para que a Torre dos Moreno se mantivese en pe. José Calavera era unha persoa moi vinculada a Ribadeo, a onde acudía de vacacións e onde chegou a ser o pregoeiro das festas patronais. Publicou numerosos libros entre os que destacan os relativos ao cálculo de estruturas e ao formigón armado e pretensado e ao cálculo das súas armaduras. E en 2015 recibiu o Premio Nacional de Enxeñería Civil.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
