O Secretario de Estado para a Unión Europea, Pascual Navarro, clausurou o encontro, no que se puxeron sobre a mesa medidas para configurar a axenda europea en materia de envellecemento e reto demográfico
Lugo, 8 de setembro de 2023. O Deputado de Promoción Económica e Social, Pablo Rivera Capón, expuxo este venres o modelo dos Centros de Atención a Maiores implantado pola Deputación como medida replicable en Europa no marco da conferencia de alto nivel da Presidencia Española do Consello da UE que converteu a Lugo esta semana no epicentro comunitario do debate e toma de decisións sobre envellecemento e reto demográfico.
O Deputado interveu no segundo panel técnico, Economía Prateada e a Problemática Asistencial, onde falou das políticas sociais que ten en marcha a institución provincial coa rede de residencias como buque insignia. Explicou ante os expertos e membros da Unión Europea asistentes ao foro que a Deputación apostou dende o ano 2007 por crear un modelo público de atención ás persoas maiores “innovador e eficaz” fronte ao reto demográfico. Un modelo deseñado para reconverter o alto índice de envellecemento da provincia “nunha oportunidade de desenvolvemento sostible”.
Rivera Capón destacou que esta decisión política resultou ser todo un acerto porque neste tempo o funcionamento destes centros “están a ter unha moi boa acollida e o modelo asistencial ás persoas maiores da Deputación é xa un referente en España e Europa”, pois foi recoñecido polo Goberno central e tamén exposto, ata en tres ocasións, na Semana Europea das Rexións e Cidades, o maior evento anual de política rexional de Europa. Así mesmo, amosouse convencido que este modelo “é extrapolable a outros territorios da comunidade europea”.
As políticas sociais son un compromiso prioritario do Goberno provincial, ás que dedica máis dun terzo do total do Orzamento, chegando aos 37M€ neste ano 2023 para accións vinculadas cos servizos sociais, benestar, atención ás persoas maiores, igualdade, cultura, deportes, mocidade, memoria histórica, educación ou fomento do emprego. “Nestes últimos anos pasamos de tres Centros de Atención a Maiores en funcionamento, a ter hoxe 9 residencias abertas, co que multiplicamos por tres o número de centros en marcha nos que ofrecemos 300 prazas asistenciais e cos que creamos uns 230 empregos directos, o 95% deles ocupados por mulleres”, o que resulta “vital para afrontar o reto demográfico”, afirmou Rivera Capón.
Lembrou que estes 9 centros en funcionamento da Deputación, están situados en Trabada, Ribadeo, Pol, A Fonsagrada, Castroverde, Pedrafita do Cebreiro, Meira, Navia de Suarna e Ribas de Sil. Ademais, a institución provincial segue avanzando nos proxectos que están en marcha, na Pontenova, Guitiriz, A Pobra do Brollón, Portomarín, Ourol, Folgoso do Courel, Pantón, Becerreá e Cervantes.
O Deputado compartiu mesa de debate -moderada pola Dirección Xeral de Coordinación do Mercado Interior e Políticas Comunitarias- con Olga López, Concelleira de Inclusión, Benestar Social e Persoas Maiores do Concello de Lugo, co Director do Instituto de Maiores e Servizos Sociais (IMSERSO), José Augusto García Navarro, co presidente da Sociedade Española de Xeriatría e Xerontoloxía (SEGG), David Curto, e co director Médico e de Calidade de Sanitas Maiores.
O Secretario de Estado para a Unión Europea, Pascual Navarro, clausurou o encontro, no que se puxeron sobre a mesa medidas para configurar a axenda europea en materia de envellecemento e reto demográfico.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
