Burela, 11 de setembro, 2023. Con motivo do Día Mundial do Alzheimer, a Asociación de Familiares de enfermos de Alzheimer e outras demencias de Burela (AFAN Burela) está a realizar diversas actividades co fin de achegar á sociedade esta doenza que se estima que afecta en Galicia a máis de 70.500 persoas.
Esta asociación comezou a concienciar á sociedade durante os meses de verán coa campaña “Lémbrate de min”, na que os usuarios da entidade elaboraron pulseiras solidarias que, xunto con información sobre os principais sinais de alarma do Alzheimer, se puxeron á venda en 14 establecementos pertencentes á Asociación de Comerciantes, Industriais e Autónomos de Burela (ACIA). A campaña foi un éxito, logrando vender máis de 800 pulseiras. AFAN Burela quere agradecer a ACIA a súa colaboración para levar a cabo este proxecto.
O seguinte acto programado por AFAN Burela coa colaboración das Concellarías de Servizos Sociais e de Cultura terá lugar o vindeiro Mércores, 13 de setembro, ás 17:00h no Auditorio da Casa da Cultura de Burela, onde Alejandro Seral presentará a súa novela “Morir dos veces”. Un libro emotivo, con un enfoque valente e esperanzador sobre cómo o autor afrontou a enfermidade do seu pai, diagnosticado de Alzheimer aos 42 anos.
Os actos centrais da Asociación terán lugar o Xoves, 21 de setembro, Día Mundial do Alzheimer. Ese día, AFAN Burela estará presente no Centro de Saúde da localidade e no Hospital da Mariña con mesas informativas onde dará a coñecer a súa labor e proporcionará información sobre as demencias e a súa problemática. Así mesmo, nas mesas informativas terán dispoñibles bolsas de tea bordadas á man por numerosas persoas voluntarias de toda a contorna para conmemorar este día, así como sacos térmicos e pulseiras solidarias. O Concello de Burela tamén iluminará a súa fachada de cor verde en solidaridade con todos os afectados.
Finalmente, a asociación iniciará no mes de outubro, coa colaboración da Federación de Alzheimer de Galicia e a Fundación Barrié, o proxecto de sensibilización “Divulgamente” a través do cal o presitixioso investigador galego Carlos Spuch acudirá a Burela a impartir unha charla divulgativo-científica ao alumnado de Bacharelato e Formación Profesional da rama sociosanitaria para que coñezan máis polo miúdo cómo funciona o noso cerebro, qué son as demencias e qué se está investigando sobre as mesmas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
