Carme Aira pide á Administración axudas e máis información para que as CMVMC con usos gandeiros leven a cabo o Plan de Aproveitamento Pastoril
Santiago de Compostela, 8 de setembro, 2023. A deputada do BNG Carme Aira defendeu no Parlamento unha proposición non de lei para reclamar á Administración medidas que faciliten ás comunidades de montes veciñais en man común (CMVMC) o acceso ás axudas directas da PAC para hectáreas con usos gandeiros.
En concreto, o BNG solicitou o establecemento de axudas para que as CMVM con usos gandeiros poidan levar a cabo o Plan de Aproveitamento Pastoril, un dos requisitos que se esixen agora para o acceso ás axudas. “Este plan é complexo e custoso e polo tanto leva tempo realizalo e rexistralo, entre un e tres anos”, advertiu a deputada nacionalista.
Aira acusou ao Goberno do PP de ter “cambiado os marcos” sen facer un traballo previo coas perceptoras e perceptores da PAC e “sen anestesia”, é dicir, sen informar, promocionar e incentivar ás comunidades de montes para inscribirse no rexistro de montes con uso de pastoreo para o cobro das axudas, o que leva implícita a realización do plan de aproveitamento silvopastoril.
Defendeu, neste sentido, a posta en marcha das axudas para que os montes veciñais podan facer fronte ao gasto de encargar o plan e rexistrar os montes, así como un servizo de asesoramento e tramitación propio dende as delegacións de Montes ou distritos forestais. Avogou tamén polo deseño dunha campaña de información e concienciación para que as CMVM cumpran os novos requisitos da PAC e non se perdan as axudas por hectáreas de monte. “O DOG non é suficiente”, apuntou.
Durante a defensa da súa iniciativa parlamentaria, contra a que votou o PP, Carme Aira lamentou que dende que a Xunta “publicitou” a incorporación de 57.000 novas hectáreas, só 20 CMVM da provincia de Lugo -das máis de 900 que existen- estean no rexistro de montes con uso de pastoreo.
“Non contar con este plan para que as persoas agricultoras poidan percibir as axudas da PAC dará como resultado que moitas das hectáreas declaradas nos montes non obteñan as axudas e unha vez máis será o territorio e as persoas individualmente as que sufran as consecuencias”, alegou.
Carme Aira subliñou a necesidade de apoio ás comunidades de montes veciñais en man común como “elementos inestimables de ordenación do territorio”, para a recuperación de superficie agraria útil, ou como instrumento de loita contra o lume. E lembrou que a cuarta parte do territorio galego, máis de 700.000 hectáreas, corresponden a monte veciñal en man común xestionado por 2.800 comunidades.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
