“O que debe facer o PP é demandar máis aportación por parte da Xunta, xa que non achega nin un só euro para o servizo de Libre Concurrencia”, sostén a alcaldesa, María Loureiro
Viveiro, 8 de setembro de 2023. O Concello de Viveiro destinou no ano 2022 un total de 1.191.000 euros a financiar o Servizo de Axuda no Fogar (SAF): 336.593,25 euros para o sistema de Libre Concurrencia e 854.354,34 euros para Dependencia.
O concello préstalle servizo de axuda no fogar a 194 usuarios, polos que recibe unha axuda da Consellería de Política Social para o custo de 108 usuarios de Dependencia, non sufragando a Xunta o custo dos 86 usuarios de Libre Concurrencia.
En concreto, o custo da hora da prestación do servizo para o Concello de Viveiro ascende a 16,04 euros por hora, sendo unicamente subvencionado pola Xunta co importe de 12 euros por hora o SAF de Dependencia, non sendo achegada pola Consellería de Politica Social cantidade algunha para o SAF de Libre Concurrencia.
“O que debe facer o PP e demandar máis aportación por parte da Xunta, sobre todo para o servizo de Libre Concurrencia”, asegurou a alcaldesa, María Loureiro, no último pleno municipal en resposta a unha pregunta do PP sobre este tema.
O Concello de Viveiro ten o compromiso de non ter ningún dependente con grado III na lista de espera, “pero non podemos asumir o servizo de todos os usuarios, xa que a Consellería non aporta os fondos necesarios, coma xa lles reclamaron dende a FEGAMP en reiteradas ocasións”, engade Loureiro.
O custo que afronta o concello nos servizos sociais comunitarios para a prestación do SAF e o volume de persoas que o están a recibir foise incrementando paulatinamente. As circunstancias económicas actuais requiren unha maior achega económica por parte da Xunta de Galicia que garanta a estabilidade do financiamento do Sistema Galego de Servizos Sociais, no que atinxe aos orzamentos das entidades locais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
