Aproveitando a Semana da Mobilidade, o Concello realizou numerosas entrevistas á poboación, para recoller impresións sobre a mobilidade no municipio de cara á redacción do PMUS
Burela, 21 de setembro de 2023. Aproveitando a celebración da Semana da Mobilidade, o Concello de Burela realizou numerosas entrevistas á poboación, para recoller impresións e datos cualitativos sobre a mobilidade no municipio de cara á redacción do Plan de Mobilidade Urbana Sustentable (PMUS).
As entrevistas incluíron a persoas representantes de distintos colectivos, como asociacións veciñais, deportivas, de comerciantes, do colectivo do transporte ou de taxistas. Estas serviron para comezar un diálogo sobre como mellorar, entre todas e todos, as condicións da mobilidade en Burela.
A alcaldesa de Burela, Carmela López, destaca “o compromiso do Concello coa participación cidadá na creación do Plan, para así seguir construíndo unha Burela accesible para todos e todas”.
Nestas entrevistas preguntouse polos hábitos que temos á hora de movernos por Burela, os problemas de accesibilidade, de seguridade, ou de incomodidade nos percorridos a pé ou e vehículo. Recolléronse tamén as porpostas da veciñanza.
As entrevistas concertadas ata o momento compleméntanse ca xornada de portas abertas á poboación, hoxe entre as 16.30 a as 18.30, no que todas as persoas teñen a oportunidade de comentar as súas inquedanzas en torno á mobilidade local co Concello.
O obxectivo destas iniciativas, explica a alcaldesa, é “mellorar o coñecemento da realidade local por parte do equipo redactor do PMUS, e acadar diagnoses e propostas consensuadas coa poboación, de xeito que as transformacións dos próximos anos sexan útiles para toda a veciñanza”.
Ademais da información recollida nas entrevistas e na xornada de portas abertas, o Concello está realizando dende hai tres semanas varias enquisas, para recoller datos cuantitativos sobre a mobilidade no municipio.
O proceso participativo do PMUS continuará tamén coa convocatoria, nos vindeiros meses, de obradoiros de traballo abertos á veciñanza para avanzar no diálogo sobre a mobilidade.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
