Burela, 2 de setembro, 2023. Comeza a Copa Ibérica 2023 no Pavillón Multiusos de Fafe (Portugal) cun primeiro partido do máis emocionante, SL Benfica – Pescados Rubén Burela FS. Dous equipos de primeira categoría que se enfrontaron esta tarde ás 16.00 horas nun encontro moi igualado que concluíu cun resultado 1-1, tendo que chegar aos penaltis seguindo o regulamento do torneo, que puntua para a clasificación final dos clubes, cada vitoria con 3 puntos, empate 1 punto, derrota 0 puntos e a clasificación final do torneo será definida en función do número de puntos conseguidos nos dous partidos. No caso de empate, seguiranse os seguintes criterios de orde de preferencia: en primeiro lugar a maior diferencia entre o número de goles marcados e o número de goles recibidos. En segundo lugar o maior número de goles marcados. En terceiro lugar o maior número de vitorias no desempate a penaltis e a partir de ahí segúndo o número de tarxetas seguindo varios criterios. O Burela caeu nos penaltis cun resultado final (4) 1 – 1 (2) ante o equipo portugués.
No primeiro tempo sae o Pescados Rubén con Caridad en portería, Emilly, Patricia, Noelia Montoro e Irene Montero como cinco inicial. No mesmo minuto 1 Patricia presiona ao equipo rival cunha primeira oportunidade no partido tras un tiro frontal desde a liña da área que detén a porteira do equipo portugués. Durante os primeiros 4 minutos o Burela presiona con máis intensidade pero continúa o xogo con tensión e esa presión comeza a igualarse por parte de ambos equipos, que defenden ben pero non conseguen atopar o gol. Non é ata o minuto 4 ata que Sara Ferreira consegue tirar a portería, continuando no 5 cunha boísima oportunidade de Emilly nun contraataque que tamén detén Marta Costa. Non é ata o minuto 16 no que o Benfica logra meter o balón entre os paus defendidos por Caridad levando o marcador 1-0 ao descanso.
No segundo tempo sae Jozi á portería. O Benfica presiona con moita forza pero o Burela defende con tenacidade. No minuto 32, despois dunha boísima recuperación en campo contrario, Irene Samper logra o 1-1. A pesar das numerosas oportunidades, entre elas una de Noelia Montoro no minuto 36 desde dentro da área que logra desviar a porteira, e a pesar de tentalo con Cilene de porteira-xogadora dende o minuto 37, creando numerosas oportunidades que non atopan o gol. Cun último minuto súper emocionante, tras un tempo morto no minuto 39 e un dobre penalti para o Benfica que detén a experimentada Jozi Oliveira, o resultado mantense 1-1 ata o minuto 40 de xogo, levando aos penaltis a ambos os equipos. Na rolda de penaltis o Benfica consegue meter os 4 goles na portería do equipo mariñán mentres que este falla dous deles, o primeiro, que lanza Patricia, e o último que lanza Cami.
Mañá xogarase a fase final do campionato no que o Burela se enfrontará ao GCR Nun’Álvares, que gañou 7-4 ao Futsi esta mesma tarde ás 18.30 horas, mentres que o Navalcarnero enfrontarase ao Benfica ás 16.00 horas. Todos os partidos se emiten a través da Canle 11 e, por streaming, dende a canle de Youtube de Canle 11.
Ficha Técnica SL Benfica – Pescados Rubén Burela FS
Pescados Rubén Burela FS: Caridad (P), Irene Samper, Patricia, Noelia Montoro, Emilly – cinco inicial-, Dany, Cilene, Cami, Jenny, Antía Pérez, Rafinha, Jozi Oliveira (P)
SL Benfica: Marta Costa (P), Inés Fernandes, Janice Silva, Sara Ferreira, Fifo – cinco inicial-, María Pereira, Adriana Mendes, Alexandra Melo, Inés Matos, Helena Nunes, Raquel Santos, Mariana Teixeira.
Goles: min.16 Sara Ferreira 1-0; min.32 Irene Samper 1-1.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
