Ameijide non entende que “o bigoberno da Deputación se negue aceptar a proposta do Concello de Xove que está disposta a asumir a titularidade das vías provinciais, tendo en conta que sempre se están queixando de que teñen que xestionar a rede de estradas máis extensa de España e, desta forma, reduciría o número de quilómetros aos que atender”
Lugo, 23 de setembro de 2023. O Grupo Provincial Popular quere saber que decisión tomou Tomé con respecto ao protocolo asinado polo anterior presidente socialista, Darío Campos, e o alcalde de Xove, Demetrio Salgueiro de cara á mellora conxunta, a xestión e a entrega ao Concello de ata 10 estradas de titularidade provincial. Os populares queren saber se pensa cumprir o acordado ou non ou, incluso, se baralla calquera outra alternativa para resolver o problema do mal estado da rede viaria provincial no concello de Xove. O alcalde reiteroulle a Tomé nunha reunión en novembro do 2022 que o Concello continúa disposto a cumprir co acordado no protocolo ou a estudar outras fórmulas para recibir a titularidade das vías.
No momento da sinatura do protocolo, en xuño do 2018, ambas entidades recoñecían o mal estado da rede viaria provincial ao considerar de interese a súa reparación en aglomerado en quente, incluso mellorando anchos e curvas nos casos nos que para máis seguridade así se considere axeitado. Dende entón, o estado dalgunhas das estradas empeorou como é o caso da LU-P-2604 (Xove – Valcarría) que nunha curva se converteu nunha enorme fochanca.
Os populares lembran que “xa preguntamos no pleno de novembro do 2019 por este asunto sen que o presidente aclarase nada”. E, en maio do 2020, cando o Grupo Provincial do PP pedía o cumprimento do protocolo, “tanto PSOE coma BNG votaron en contra”.
O portavoz, Antonio Ameijide, non entende que “o bigoberno da Deputación se negue aceptar a proposta do Concello de Xove de pasarlle a titularidade das vías provinciais que está disposta a asumir, tendo en conta que sempre se están queixando de que teñen que xestionar a rede de estradas máis extensa de España. Desta forma reduciría o número de quilómetros aos que atender”.
INSTALACIÓNS DEPORTIVAS
Os populares tamén preguntarán cando ten previsto o goberno provincial dar solución ás deficiencias do Pazo dos Deportes, logo das peticións de dimisión do vicepresidente da Deputación, a polémica e o hartazgo dos afeccionados ao baloncesto en Lugo. E, igualmente, pedirán explicacións pola tardanza do bigoberno provincial en poñer a disposición dos usuarios os seus anexos, máis coñecidos como ‘Pacito’, que está a supoñer “complicacións para os equipos infantil e xuvenil que en pleno outono van ter que adestrar nas pistas exteriores ao aire libre e á chuvia”.
A ACB (Asociación de Clubs de Baloncesto) ten advertido ao Club Baloncesto Breogán en decembro do 2022 das deficiencias do Pazo Provincial dos Deportes de Lugo requirindo a súa solución na maior brevidade posible, pero a pesar de que os partidos da competición oficial remataron o 14 de maio, os traballos de colocación da cadeiras aínda comezaron o 1 de setembro cun prazo de execución de tres meses. É por iso polo que Ameijide condena a “falta de previsión” do bigoberno provincial que puido ter renovado as cadeiras durante o verán sen afectar á competición e evitando posibles multas aos clubs.
O PP advirte doutras deficiencias que se require solucionar coma as goteiras e os problemas de climatización desta instalación.
Tamén lembran que os anexos “levan anos soportando numerosos inconvenientes, como problemas co chan, humidades, goteiras, non ter vestiarios, frío… Mentres os diferentes gobernos provinciais de PSOE e BNG sempre optaron por mirar cara outro lado ou por facer promesas, sabendo de que non as ían a cumprir”.
Nese sentido, piden explicación sobre a colocación do chan dos anexos e queren saber cando se arranxarán as deficiencias no pavimento de acceso e aparcamentos e cando poderán dispoñer os usuarios dos anexos de vestiarios ou acceder aos do Pazo para poder mudar de roupa e asearse despois de adestramentos ou competicións.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
