Ribadeo, 20 de novembro de 2023. A Escola Municipal de Música e Danza (EMMeD) de Ribadeo celebra o mércores, 22 de novembro, ás 20:00 horas no Auditorio Hernán Naval o seu tradicional concerto na honra de Santa Cilla, patroa dos músicos. Trátase da primeira actividade que realiza dentro dos actos de conmemoración do 30 aniversario do centro.
O responsable da EMMeD, Hugo García, explicou que “polo escenario pasarán alumnas e alumnos da Escola que interpretarán obras de moi diferentes estilos. Agrupacións de vento, tecla, percusión, entre outros, dan forma ao programa deste concerto, aberto ao público e gratuíto. Esta actuación é a previa do gran festival de Nadal que a Escola celebrará o vindeiro 16 de decembro tamén no auditorio e no que participarán preto de 400 alumnas e alumnos”.
A concelleira de Educación e Cultura, Begoña Sanjurjo, anima “a asistir a estas actividades da EMMeD na que tanto pais e nais como o público xeral poderán gozar do traballo que hai detrás do alumnado, que ano tras ano, aposta pola súa formación neste centro”.
García subliñou que “trinta anos van desde que en novembro de 1993, baixo a dirección de Hernán Naval Parapar, comezaba a funcionar un centro educativo musical que axiña se ía converter nunha referencia. A EMMeD de Ribadeo continúa na liña curso tras curso e suma 376 alumnos e alumnas de entre 4 e 80 anos, ó que a sitúa como un dos centros con máis persoas matriculadas de toda a comunidade”.
O responsable da Escola indicou que “a filosofía da EMMeD de Ribadeo permanece intacta dende a súa posta en marcha, cos tres piares fundamentais cos que naceu, e que seguen vivos no traballo diario: o alumnado debe gozar e pasalo ben coa aprendizaxe; o traballo que facemos no centro debe saír das catros paredes e interactuar coas actividades comunitarias que se fan en Ribadeo. A Escola debe ser un punto de encontro da música e da danza con outros aspectos que entendemos centrais no proceso de formación das persoas como son a solidariedade, a igualdade…”.
Sanjurjo engadiu que “o curso 2023/2024 será un ano académico de celebracións. O programa de actividades estase preparando e iranse anunciando aquelas que se organicen co gallo do 30 aniversario da EMMeD de Ribadeo”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
