Lugo, 17 de novembro de 2023. O vicepresidente da Deputación e deputado de Artesanía e Deseño Efrén Castro e o deputado de Medio Rural, Mar e Mocidade Daniel García mantiveron esta mañá un encontro de traballo coa presidenta da Mancomunidade da Mariña Rocío López e persoal técnico da entidade no que se abordaron as posibilidades de colaboración do Centro de Artesanía e Deseño nas actividades que a entidade comarcal ten previsto desenvolver nos dous vindeiros anos en relación coa artesanía.
Os responsables provinciais puxeron a disposición da Mancomunidade a experiencia e os recursos do Centro de Artesanía e Deseño para desenvolver as accións previstas pola entidade para dar un novo impulso ás Rutas de Artesanía da Mariña Lucense que veñen desenvolvendo desde 2011 e reforzar o papel da artesanía dentro da oferta de turismo cultural da comarca.
A creación dunha Feira de Artesanía da Mariña, a creación de espazos de exposición e venda de produtos artesanais nas oficinas de turismo dos concellos da comarca ou a organización de espazos efémeros de demostración e venda en lugares estratéxicos para captar público consumidor e posibles visitantes son algunhas das accións previstas dentro da folla de ruta que as responsables da Mancomunidade compartiron durante o encontro, no que se sentaron as bases de futuras colaboracións.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
