“A Xunta leva investido 100 millóns de euros no corredor, feitas as variantes de Xove e Ortigueira e consigna 8 millóns para a VAC Costa Norte nos orzamentos do 2024”, explica Balseiro
A Mariña, 25 de novembro de 2023. O deputado mariñán e portavoz de Infraestruturas do Grupo Popular no Parlamento de Galicia, José Manuel Balseiro, cre que “aos alcaldes socialistas lles debería dar vergoña reclamar a construción do corredor da Mariña” e, tendo en conta que “os mariñáns non somos parvos, se queren ter credibilidade, deberían mobilizarse para esixir ao Goberno de Pedro Sánchez investimento para a A-74 e rematar as obras no socavón da vergoña á altura da Areoura”.
Balseiro explica que “foi o PSOE o que paralizou a variante de Viveiro” na parte do corredor que é competencia da Xunta e, sobre a parte que lle corresponde ao Estado, lembra que “o Goberno de Sánchez paralizou os proxectos que deixou en marcha o Goberno de Rajoy”. De feito,
Falando de investimento, o deputado popular explica que “a Xunta leva investido 100 millóns de euros e ten feitas dúas variantes -a de Xove e a de Ortigueira- e consigna nos orzamentos para o 2024 ata 8 millóns de euros para a VAC Costa Norte”.
Sobre a variante de Viveiro, apunta que “no seu momento o goberno do Concello de Viveiro contou con oito propostas enriba da mesa, pero non lles valeu ningunha”. Recentemente, “propúxoselles outra alternativa, construír unha ponte e tampouco valeu. E agora poñen como desculpa que o teñen recollido no Plan Xeral que, despois de 20 anos, aínda non teñen rematado”.
En canto á responsabilidade do Goberno do Estado, subliña que “para a A-74 dende A Espiñeira en Foz ata Castelo en San Ciprián, todo canto leva investido nos últimos anos o goberno de Sánchez é 0”. De feito, puntualiza que “consignan 500.000 euros cada ano, pero non invisten nada”. Polo tanto, o popular cre que “se por algo se hai que mobilizar na Mariña é porque esta autovía se faga xa”.
Igualmente, explica que “a mostra de como xestiona o Partido Socialista está no socavón que hai na Areoura: despois de 11 meses, todo segue igual”. É máis, “queremos saber cando vai ser restablecido o tráfico con normalidade na N-642 ao seu paso polo socavón da vergoña”. Sobre este asunto si se poden mobilizar os alcaldes do PSOE se queren ter credibilidade. Senón, non van ter ningunha”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
