O voceiro nacionalista puxo en evidencia a hipocrisía do Partido Popular que “demanda agora un servizo” que desatendeu cando estivo no goberno do Estado
Lugo, 28 de novembro de 2023. O BNG puxo en evidencia no pleno provincial a hipocrisía do Partido Popular en relación con infraestruturas chave para a Mariña como o FEVE e a VAC Norte, durante o pleno provincial celebrado este martes na Deputación de Lugo.
“Benvidos señores do Partido Popular á defensa das infraestruturas” ironizou o deputado mariñao, que reivindicou o traballo feito polo BNG durante décadas en relación co FEVE ante os sucesivos gobernos do Estado.
O deputado mariñao lembrou que “o deputado do BNG, Francisco Rodríguez, demandou o servizo de cercanías para a Mariña que agora vostedes piden en marzo de 1998, durante o goberno de José María Aznar” ou que “o aluminio que sae de Alcoa cara a Amorebieta se carga no apeadeiro de Xove, a 5 quilómetros da factoría, a onde hai que levalo en camións” porque “vostedes, todos, foron incapaces de habilitar unha estación de carga dentro da factoría, como pediu o BNG no Congreso en mais dunha ocasión”.
“Cando tiveron a posibilidade de resolver problemas non o fixeron” e agora “chegan tarde outra vez, porque esas demandas que formulan están no acordo de investidura entre PSOE e BNG, que é publico”, expuxo o voceiro nacionalista. O punto oito do acordo indica que se aplicará “o mesmo trato aos usuarios de FEVE en Galiza que aos doutras comunidades e continuaranse os traballos de modernización. Así mesmo, especifica que se mellorará a atención aos viaxeiros nas estacións e reforzarase a presenza de revisores dos trens
“Mentras o BNG negociaba co candidato á presidencia do goberno melloras para Galiza, vostedes estaban sacando fotos na estación de FEVE de Ribadeo” e, cuestionou, “empregándoas para facer campaña compartindo as imaxes nas redes sociais do Concello de Ribadeo”
Daniel García tamén criticou o posicionamento do Partido Popular en relación con outra infraestrutura chave para a comarca como é a VAC Norte. O deputado mariñao lembrou que “o Partido Popular só executou 15 quilómetros“ dos 90 de trazado previsto; “un por ano e en traxectos licitados polo goberno bipartito”, lembrou.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
