Foz, 23 de novembro de 2023. Este domingo, 26 de novembro, celebrarase a I Xornada da Infancia e a Familia da Diocese de Mondoñedo-Ferrol, co lema “Dereito a un lecer e tempo libre saudables”. Farase simultaneamente en dous puntos do territorio diocesano, facilitando así a asistencia de todos os nenos e nenas que queiran participar, xa sexa acompañados das súas familias ou ben acompañados polos seus catequistas.
A xornada de celebración terá lugar en FOZ (Colexio A nosa Sra. do Pilar, das Franciscanas da Purísima) e en FERROL (Colexio Sacro Corazón, das Mercedarias) co mesmo horario: desde as 10:45 da mañá ata as 14:00 horas da tarde.
Tras a chegada e acollida, celebrarase a Eucaristía e, despois, haberá hora e media de xogos e actividades de lecer para pícaros, mentres os maiores compartirán un café.
Finalizarase coa lectura dun manifesto preparado coa participación dos propios rapaces, co que se dará visibilidade a seis dereitos que debemos axudar a garantirlles:
Dereito a ser felices
Dereito a un lecer e tempo libre saudables
Dereito a sentirse queridos
Dereito a participar
Dereito a ser escoitados
Dereito a xogar
Esta I Xornada Diocesana está organizada pola Mesa Social da Infancia e a Familia da Diocese de Mondoñedo-Ferrol. Creada en outubro de 2022 como un espazo de reflexión e traballo colaborativo, a Mesa Social está constituída polas entidades católicas do ámbito social con vinculación a infancia ou familia. Como nos expresa nosa Bispo, Mons. Fernando García Cadiñanos, “coidar da infancia e defender os seus dereitos é un compromiso de la Iglesia e da sociedade. Convídovos a participar neste evento festivo que nos axuda nesta meta tan importante”.