Foz, 10 de novembro de 2023. “É inaudito que o señor Castiñeira lle queira lavar a cara á Xunta de Galicia deste xeito de cara á unhas próximas eleccións autonómicas, cubríndoa no caso da EDAR de Foz”, explica a portavoz do PSdG-PSOE de Foz, Inés López Couto, que engade: “van máis de 6 anos de retraso na tramitación por parte de Augas de Galicia, tendo o Concello xa desde marzo á súa disposición os terreos expropiados”.
Inés López manifesta tamén que “a conselleira Ethel Vázquez anunciou que as obras comezarían en decembro de 2022 a bombo e platillo e estamos case en decembro do 2023 e as obras seguen sen iniciarse e o señor Castiñeira pretende botarlle a culpa ao Concello de Foz. É máis, se seguimos a falar de retrasos nas tramitacións, noutro departamento de Augas de Galicia, máis de 4 anos de retraso na legalización da captación de Cordido e din que hai dificultades técnicas, cando simplemente se necesita unha autorización para unha captación que a propia Augas de Galicia ten recoñecida. Agora acórdase dos veciños de Cordido, cando llo pide á Xunta de Galicia porque veñen unhas elección autonómicas, despois de aprobar o PXOM con conciencia de que non poderían construír sen esa legalización que non obtivo previamente”.
López Couto engade: “o señor Castiñeira, aparte de sacar a foto, non sabemos se pretende enganarnos a todos ou rirse de nós facendo un paripé despois de saber que tivemos varias reunións coa Xunta. Pedimos un pouco de respecto institucional e apoio e deixar de poñer paus nas rodas ao traballo municipal, do equipo de goberno, dos técnicos municipais e de empresas contratadas para traballar niso”.
Ademais a voceira municipal socialista comenta: “non sabemos se lle molesta que o Concello pida que se lle deixe un edificio que serviría para usos municipais ou se prefire que se tire, co custo que conleva. Sabemos que non está acostumado a pedir o máximo para Foz, que sempre se quedou en mínimos e que isos mínimos acabaron en furados na Avenida da Mariña”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
