O BNG formulou unha pregunta a Patrimonio co fin de acadar un compromiso para a conservación e protección de elementos culturais no monte e zonas protexidas e o goberno deriva a resposta ao director xeral de Planificación forestal que xustifica economicamente as plantacións de eucaliptos
Santiago de Compostela, 15 de novembro, 2023. A portavoz de Cultura do BNG, Mercedes Queixas amosou a súa desconformidade ante o proceder do Goberno galego por designar ao director xeral de Planificación forestal, José Luís Chan Rodríguez, para respostar na Comisión de Educación e Cultura a unha pregunta dirixida á Dirección de Patrimonio.
A deputada, tras explicar a relevancia das paisaxes culturais integradas por entidades naturais, históricas, monumentais, arqueolóxicas, como as paisaxes da Costa da Morte, a Ribeira do Sil ou os Ancares, forman parte dunha construción da diversidade global como suma de identidades culturais locais.
Un bo exemplo e ben accesíbel a calquera de nós, explicou a nacionalista, é o monte galego, pero o seu patrimonio esta en risco polo progresivo abandono, despoboamento, carencia de plans xerais de ordenación municipal e “ falta de esforzo da Xunta” para protexer os seus bens.
Para a deputada, resulta chamativo que o Goberno galego, Dirección xeral de patrimonio “non cumprise coa debida protección do patrimonio da paisaxe cultural galega, e actúe modificando diferentes leis para reducir ou mesmo eximir de procedementos administrativos ás empresas dedicadas ao desenvolvemento forestal e enerxético”.
Durante 14 anos, os goberno do PP, remarcou a nacionalista, “dedicáronse a favorecer os intereses da industria forestal e enerxética; 14 anos dedicados a servir un menú legal á carta do oligopolio con moratorias de plantación de eucalipto tramposas e modificación anual da lexislación a través da lei de acompañamento dos orzamentos que, ano tras ano, nos deixan a Lei de patrimonio cultural en panos menores”, 14 anos engadiu Queixas, “obedecendo os consellos de administración de empresas foráneas que pretenden actuar en substitución do consello de goberno da Xunta e 14 anos perdidos para garantir a memoria da paisaxe cultural galega e protexer o seu futuro desde a ordenación”.
Desprotección planificada da paisaxe cultural
A inexistencia dun proxecto de ordenación do territorio que planifique a política económica, social, cultural, ecolóxica “é unha firme declaración de intencións do goberno do PP sobre a planificación da desprotección da paisaxe cultural”. Neste ámbito, o goberno ignora as demandas da sociedade e desatende as conclusións do informe do Consello da Cultura Galega que constata as graves consecuencias dos cultivos forestais con especies de crecemento rápido sobre o patrimonio cultural de Galiza.
Mercedes Queixas lamentou que a Dirección xeral de Patrimonio non comparecera na comisión para responder as cuestións formuladas polo BNG e no seu lugar tivera que responder o director xeral de Planificación forestal cando en realidade, dixo , non é o “responsable da protección patrimonial”.
Tras a intervención de Chan Fernández a nacionalista reiterou que a iniciativa do BNG vai dirixida a desenvolver accións para conservar o patrimonio cultural galego e o papel do director xeral de planificación forestal “é inexplicable” porque quen debe dar a cara e a dirección Xeral de Patrimonio cultural. O goberno, subliñou pode “disfrazalo como queira” pero aínda queda algún tempo para o entroido, ironizou.
Para a nacionalista a ausencia dos responsables de Patrimonio confirman “unha irresponsabilidade institucional e política” e “unha burla e falta de respecto” ao grupo parlamentario do BNG, Esta, dixo, é a síntese da súa participación nesta comisión.
O PP despreza os informes do Consello da Cultura Galega
Na súa intervención, Mercedes Queixas lamentou que ao goberno e Partido popular non lles gusten os informes do Consello da Cultura Galega pero non pode “infravaloralos” ou desprezalos. Os informes, afirmou non son opinións, foron elaborados durante dous anos por especialistas para chegar a un documento “ rigoroso”. Desprezar este traballo, “deixa en moi mal lugar ao Partido popular”, recalcou.
Por outra banda criticou que Chan Fernández argumentara que o informe non recollera os aspectos económicos xerados polo eucalipto e piñeiro ao que a deputada respondeu que o director xeral “non leu o informe” porque o texto recolle na súa integridade eses aspectos e engade que a “cultura ten un importante valor económico” un recurso que o goberno e o PP “esmaga” sistematicamente coa axuda do sector privado forestal.
Queixas rematou a súa intervención aludindo a accións como as talas de eucaliptos denunciada por Mariña Patrimonio que destruíron trinta xacementos arqueolóxicos ao que sumou a “desfeita do patrimonio cultural” no monte do Gato, Alfoz, Castro Baroña por “plantacións e cortas desmedidas”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
