Tamén se debatirá a implementación da fracción resto por parte da empresa concesionaria do servizo de recollida de lixo e a adhesión ao Plan Estratéxico de Saúde do Ministerio, entre outros puntos
Burela, 29 de novembro de 2023. O Concello de Burela celebra mañá, xoves día 30 de novembro, un novo pleno ordinario, que terá lugar no salón de plenos ás 20:00 da tarde.
Neste novo pleno tratarase a aprobación inicial dunha nova ordenanza de tráfico, a implementación da fracción resto por parte da empresa concesionaria do servizo de recollida de lixo e a adhesión ao Plan Estratéxico de Saúde do Ministerio, entre outros puntos.
A nova ordenanza de tráfico e a derogación da anterior debatirase coa fin de mellorar a fluidez nas vías urbanas, regular outros usos e actividades que afecten á circulación viaria, fomentar a seguridade e controlar as infraccións que se cometen polos usuarios.
A nova ordenanza recolle medidas para actuar con maior axilidade ante os abandonos de vehículos, e abre novos usos regulados para as zonas de carga e descarga que benefician ao comercio local e empresas que o utilizan para o seu traballo diario.
O texto a debate trata tamén o estacionamento regulado con limitación temporal, a concesión de vaos municipais, os VMT, as paradas de taxis, os VTC, etc. Presentarase así mesmo a rotulación dos novos vehículos e da oficina de atención ao cidadán.
No relativo á adhesión ao Plan Estratéxico de Saúde do Ministerio, proporase contar cunha mesa de traballo no Concello co obxectivo de “axudar á nosa poboación a coñecer os recursos que lles poden axudar e dinamizar calquera acción, programa, actividade que fomente a mellora na calidade de vida das persoas” sinala a alcaldesa Carmela López.
“Neste pleno trataranse temas de vital importancia para o desenvolvemento da vila e de gran interese para a veciñanza, que agardamos sexan acollidos de xeito favorable”, comenta tamén a rexedora. Na sesión tratarase así mesmo a aprobación das contas xerais e a corrección da errata da modificación de crédito do anterior pleno.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
