Dani Vega subliña que o plan director encargado polo equipo de goberno indica cando e como se deben efectuar esas tarefas
Ribadeo, 1 de novembro de 2023. O Concello realiza a poda das árbores da vila. Os traballos, que comezaron pola estrada do cemiterio e pola praza de abastos, seguirán nos vindeiros días por outras zonas. O alcalde, Dani Vega, subliña que o plan director encargado polo equipo de goberno indica cando e como se deben efectuar esas tarefas.
O rexedor contou que “estes días puidemos observar e ver todos que estamos a realizar traballos de poda en Ribadeo. Evidentemente este era un tema que nos preocupaba e fixemos un plan director, que nos di con moita claridade que hai un problema nas árbores de Ribadeo”.
Vega dixo que “o plan director o primeiro que nos indica é cando debemos facer a poda, isto non se pode facer porque un se levante pola mañá e decida facer a poda de Ribadeo, senón que hai que planificala, hai que facela no momento preciso. E tamén o plan director di con moita claridade cando debemos tratar as árbores”.
O alcalde explicou que “podemos ter un problema no parque e hai que informar a todos. As palmeiras levan un tempo enfermas e o castaño de indias tamén pode ter outra enfermidade. Agora imos analizar esta situación e imos tratalos para que esas patoloxías non avancen”.
Dani Vega manifestou que “tamén temos que facer unha poda moi rigorosa e moi estrita, non como quixéramos, porque leva moito tempo sen realizarse esta tarefa, máis de catro anos nos din os técnicos municipais. E a nos non nos parece moi serio, polo que tivemos que facela con certos criterios técnicos. Houbo que empezar por puntos moi concretos, como pode ser a estrada da cemiterio, onde nos atopamos cunha masa importante de canas que houbo que retirar paulatinamente. Púidose ver e observar que todas as canas foron trituradas na praza de abastos e así a eses restos non se lles dará o mesmo destino que en tempos pasados cando se tiraban en calquera prado por aí”.
O rexedor anunciou que “agora estes traballos de poda seguirán por outras rúas de Ribadeo: Reinante, Avenida de Galicia, Avenida de Asturias, parque de San Francisco e así sistematicamente baixo unha planificación moi concreta e baixo criterios técnicos e non porque un político decida pola mañá que hai que podar porque as canas son elefantiásicas. Isto faise baixo criterios técnicos e rigorosos”.
Vega insistiu en que “o plan director que se encargou di con moita claridade en qué tempo se debe facer a poda e qué tratamento lle debemos dar a moitas árbores. Desde unha disciplina, desde unha rigorosidade profunda, estamos realizando unha poda, que eu creo que todo o mundo, que toda a xente de Ribadeo, observou que se fai ben e baixo criterios técnicos”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
