As burelistas foron superiores ás pontevedresas e xeraron moitas ocasión sobre o marco visitante, pero non resolveron a eliminatoria ata o treito final con dous tantos da brasileña Cami en 15 segundos
Burela, 1 de novembro, 2023. O conxunto feminino do Pescados Rubén Burela defenderá o seu título de campión da Copa da Raíña na final a oito que se disputará entre o 12 e o 14 de abril do próximo ano. As Guerreiras Laranxas foron superiores ao Poio Pescamar, pero as pontevedresas amosáronse moi combativas e as mariñás tivéronse que empregar a fondo para levar a eliminatoria xa dentro do últimos cinco minutos.
O cadro burelista foi moi superior no primeiro tempo, pero dous lanzamentos ao pau e a actuación de Sandra Buzón provocaron que só se fose ao vestiario cunha vantaxe mínima de 2-1. As discípulas de Julio Delgado saíron como un ciclón ao parqué de Vista Alegre e coleccionaron múltiples ocasións diante do marco dun conxunto poiense que sufría para defenderse das acometidas locais. Irene Samper xa avisou cun lanzamento ao pau desde fóra da área aos 30 segundos e no minuto 3 a meta visitante tería que estirarse nun lanzamento de Emilly, que tras o saque de banda posterior atopábase tamén co pau da meta conserveira.
Así as cousas, o primeiro tanto non tardaría en chegar. Antía, cun fenomenal lanzamento desde uns 10 metros tras recibir un balón de Patricia no pívote, limpaba as teas de araña da escuadra esquerda da portería das pontevedresas. A pesar do gol, as mariñás non baixaron o acoso sobre a meta rojilla e a gardaredes santanderina volvía intervir para salvar un man a man diante dunha Patricia que recibira o esférico nunha posición un tanto forzada.
A primeira ocasión visitante non chegou ata o ecuador do primeiro período, cando Ale de Paz probaba a Caridad cun lanzamento desde a distancia. Foi un espellismo, xa que un minuto máis tarde Emilly subía o segundo para as locais tras unha fulgurante contra. A da Ilha dos Valadares atopábase primeiro co pau e aproveitaba o seu propio rexeite para bater a Sandra Buzón, logo de que o balón tocase en Martita.
As pontevedresas fóronse estirando pouco e a pouco e no minuto 13 atoparon o premio nun libre indirecto. Saki recibía e o seu disparo tocaba en Cilene o xusto para cambiar a traxectoria do envío e que Caridad non puidese facer nada. Non acusaron o tanto as mariñás, que volveron inquietar ao equipo rival por mediación de Cami, nun man a man, e Patricia, cun disparo ao lateral da rede.
A minuto e medio do descanso, Antía vía a súa segunda tarxeta amarela tras un agarrón a Saki e era expulsada, nunha acción na que Caridad estivo moi atinada para deter o remate da xaponesa. O Pescados Rubén soubo sufrir na inferioridade e evitar encaixar o empate nun tramo final no que a rojilla Laura Uña atopouse co pau da meta local.
Nos últimos 24 segundos cunha futbolista menos, xa na segunda parte, as burelistas tamén conseguiron evitar que as poienses anotasen. Xa con igualdade en pista, o conxunto mariñán volveu tomar o protagonismo e Emilly puido aumentar a distancia tras un gran recorte, pero o seu disparo era despexado de novo por Sandra Buzón.
A partir de aquí, o partido converteuse nun toma e daca, cun Burela cargándose moi rápido de faltas. Caridad tivo que meter a xema dos dedos para sacar un tiro de Rocío Gómez e respondían Noelia Montoro, logo dun contragolpe conducido por Cami e Patricia, e Dany, cun bo xiro no pívot e un remate demasiado frouxo.
Coa quinta falta do cadro local, cometida a 10:26 do final, Julio Delgado apostou pola porteira-xogadora e, na primeira acción, unha perda de balón permitíalle a Laura Uña igualar cun lanzamento desde o seu propio campo. Porfiou o técnico local co xogo de cinco e logrou o premio á súa insistencia a catro minutos e medio da conclusión, cando Cami resolvía soa no segundo pau unha boa acción colectiva.
Tras o tanto, era o preparador visitante, Luis López-Tulla, o que apostaba pola exburelista Ale de Paz como porteira-xogadora, pero un roubo de Emilly permitíalle a Emilly marcar desde a parcela burelista e poñer o 4-2 só 15 segundos despois do terceiro tanto. O Poio Pescamar seguiuno tentando co xogo de cinco, pero as mellores ocasións foron de Irene Samper e Emilly, aínda que non lograron subir o quinto ao electrónico de Vista Alegre.
Ficha Técnica Pescados Rubén Burela FS 4-2 Poio Pescamar
Pescados Rubén Burela FS (4): Caridad; Noelila Montoro, Irene Samper, Emilly, Dany -quinteto inicial-, Cami, Patricia, Cilene, Antía e Rafinha.
Poio Pescamar (2): Sandra Buzón; Martita, Ale de Paz, Saki, Laura Uña -quinteto inicial-, Rocío Gómez, Carla Ayensa, Elena Aragón e Irene García.
Goles: 1-0, min. 6: Antía. 2-0, min. 11: Emilly. 2-1, min. 13: Saki. 2-2, min. 31: Laura Uña. 3-2, min. 36: Cami. 4-2, min. 36: Cami.
Árbitros: Óliver Cardero e Héctor Vilas (Galicia). Expulsaron á burelista Antía no minuto 19 por dobre amonestación. Tamén viron o cartón amarelo Caridad e o técnico, Julio Delgado.
Inicidencias: Encontro dos oitavos de final da Copa da Raíña disputado no pavillón de Vista Alegre ante uns 800 espectadores.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
