Os burelistas puxéronse por diante a pouco de iniciarse a segunda metade, pero non pudieron manter a súa renda nos últimos catro minutos
Burela, 1 de novembro, 2023. O conxunto masculino do Pescados Rubén Burela non conseguiu o pase ás semifinais da Copa Galicia logo de que os pupilos de David Rial encaixasen un tanto cando o partido languidecía (2-1). Os burelistas puxéronse por diante no minuto 25, cun tanto de Charly, pero os pontevedreses, que son un dos actuais líderes do grupo primeiro de 2ªB, foron capaces de darlle a volta á eliminatoria no tramo final.
O primeiro período foi moi igualado e ningún dos dous equipos conseguiu poñerse por diante, deixando a resolución do choque para os segundos 20 minutos. Pegaron primeiro os bureleses nunha acción de estratexia desde a banda na que Charly acabaría batendo ao meta local.
Tras o tanto, os mariñaos buscaron o segundo, pero non o lograron e acabaron caendo diante dun Stellae FS-Valga moi acertado no epílogo. Cando restaban pouco máis de catro minutos e medio para o final, Mario subía as táboas ao electrónico ao aproveitar un rexeite de Kaluza tras un lanzamento desde uns 15 metros.
Os de Valga tiveron a opción de poñerse por diante cun doblepenalti a 1:14 da conclusión, pero o lanzamento íase ao pau. Os burelenses seguían con vida, pero acabarían recibindo un auténtico xerro de auga fría a un segundo do bocinazo final. Arturo aproveitaba un balón morto na área tras un rebote, regateaba a Kaluza e marcaba o tanto que deixaba fóra desta edición da Copa Galicia aos Pícaros, que xa non terían tempo para nada máis.
Ficha Técnica Stellae FS-Valga 2-1 Pescados Rubén Burela FS
Stellae FS-Valga (2): Alberto; Arturo, Manuel, Sergio Buján, Mario -quinteto inicial-, Andrés, Alan, Jaime, Cley, Nico e Sergio Castelao.
Pescados Rubén Burela FS (1): Mika; Charly, Lucho, Álex García, Ismael -quinteto inicial-, Alberto, Malaguti, Nico Rosental, Quelle e Kaluza (ps).
Goles: 0-1, min. 25: Charly. 1-1, min. 36: Mario. 2-1, min. 40: Arturo
Árbitros: Dacal Deza e Pinilla Boullosa (Galicia). Expulsaron por dobre amarela ao local Cley. Tamén amonestaron aos pontevedreses Mario, Alan, Sergio e Nico, así como a los visitantes Lucho, Quelle e Malaguti.
Inicidencias: Encontro dos cuartos de final da XXXII Copa Galicia de fútbol sala masculina celebrado no pavillón de Beira (Valga).
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
