Ribadeo, 22 de novembro, 2023. Un curso máis o IES Ribadeo Dionisio Gamallo participou xunto a outros 7 centros na Sesión Autonómica do Modelo de Parlamento Europeo. Esta foi xa a V Sesión e os temas seguen sendo de absoluta actualidade: a saúde mental dos xoves en Europa; a ética da Intelixencia Artificial; a escaseza de auga e o papel da UE; o turismo sostible como forma de promover a economía local e rexional. Catro alumnas con responsabilidade sobre catro áreas da política máis actual que intercambiaron saberes e unificaron opinións e criterios de actuación con outros colegas de 1º de bacharelato: Sara Requejo Fernández, Marcela Pérez-Magdalena Villar, Claudia Loureiro García (que, a pesar do traballo previo realizado non puido asistir á Sesión por enfermidade) e María Moledo de Diago
Dous días de intenso e reflexivo debate no que o alumnado demostrou unha disposición política desde o máis puro fundamento democrático, características que definen e sitúan como exclusivo este programa desde fai máis de vinte anos.
Fronte a outros concursos e proxectos nos que priman distintas habilidades e competencias, o Modelo de Parlamento Europeo reproduce de forma fiel a estrutura formal e protocolaria da política parlamentaria transnacional concedendo gran importancia á reflexión e ao contraste de ideas sen caer na teatralidade ou a agresividade convulsa dalgúns debates políticos, tanto profesionais coma afeccionados. O consenso convértese así nun fin que aúna o traballo conxunto e unifica os obxectivos de todos os e as participantes. Un exemplo de comportamento democrático e de exercicio de tolerancia e cooperación que debera ser emulado en todos os ámbitos sociais.
En definitiva, o MEP é un programa educativo cuxo obxectivo é fomentar nos xoves a conciencia de identidade europea e a cultura de debate parlamentario construtivo a través da recreación de sesións parlamentarias entre os propios estudantes a nivel escolar, autonómico, nacional e europeo, e acadar consensos sobre diversos temas de actualidade. As súas conclusións son presentadas ao Parlamento Europeo. Isto supón unha preparación actualizada e un diálogo entre iguais que culmina nunha resolución que se presenta á Asemblea que escoita, valora, argumenta e, para rematar, aproba ou rexeita dita resolución.
Terminada a V Sesión Autonómica de Galicia xa só queda seguir participando no foro virtual do programa, e coñecer, dentro duns días, se algunha das nosas alumnas poderá formar parte do grupo que representará a Galicia na XXIV Sesión Nacional do Modelo de Parlamento Europeo que se celebrará en Madrid do 9 ao 11 de marzo de 2024, e que abrirá as portas á Sesión Europea.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
