A directora da Axencia Galega de Innovación, Patricia Argerey, participou esta mañá nun acto de presentación de resultados do plan de innovación da empresa Medrar Smart Solutions apoiado por InnovaPeme 2022
Lugo, 27 de novembro. A directora da Axencia Galega de Innovación (Gain) da Xunta de Galicia, Patricia Argerey, participou esta mañá no acto de presentación de resultados do plan de innovación de Medrar Smart Solutions, apoiado polo Goberno galego a través do programa InnovaPeme 2022 cunha axuda de 74.000 euros. A empresa realizou melloras internas como sistematizar a consultoría de proxectos a través de Intelixencia Artificial, Machine Learning e Big Data; crear un departamento de innovación propio, mellorar procesos e implantar ferramentas de innovación estratéxica sustentable.
Patricia Argerey aproveitou a súa intervención na mesa redonda A innovación ao servizo de Galicia para subliñar a importancia da innovación como factor de transformación e competitividade das empresas, especialmente das pemes, e destacou instrumentos como o Programa de Impulso á Innovación nas Pemes ou o programa Conecta Lugo para achegar as vantaxes de innovar, informar e asesorar en todo o territorio.
Precisamente, a Xunta de Galicia acaba de resolver a convocatoria conxunta dos programas InnovaPeme e DeseñaPeme 2023, enmarcados no Programa de Impulso á Innovación nas Pemes, que teñen como obxectivo impulsar a competitividade das pemes galegas a través da innovación e o deseño. Dos 64 plans de innovación e deseño apoiados con 3,8 M€, 11 corresponden á provincia de Lugo, o que representa un 17% do total, cinco son para desenvolver plans de innovación e seis para plans de deseño. En total, recibirán unha axuda de 727.300 euros e mobilizarán 1.454.600 euros.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
