O Pescados Rubén Burela FS sofre os 40 minutos ante un AE Les Corts-UBAE cunha defensa moi sólida
Burela, 2 de decembro, 2023. Esta mañá ás 11.00h no Pavillón Municipal Vista Alegre de Burela xogábase a 12ª xornada da Primeira Division Iberdrola FS, Pescados Rubén Burela FS – A.E. Lles Corts-UBAE, primeiro partido emitido por Teledeporte da 1ª División Iberdrola FS. Presidido polo conselleiro do Mar, Alfonso Villares; o vicepresidente da Deputación de Lugo, Efrén Castro; a alcaldesa de Burela, Carmela López Moreno e o vicepresidente da Real Federación Galega de Fútbol, Pablo Prieto; ante un Vista Alegre con arredor de 800 espectadores, tivo lugar un encontro moi competido no que as Guerreiras Laranxas, sen Emilly que viaxou a Brasil convocada coa súa selección para xogar os amigables ante a Selección Colombiana do 1 ao 3 de decembro, e sen Rafinha, que sofre molestias na espalda; sufriron durante os 40 minutos de xogo ante un Lles Corts que demostrou que esta tempada vén escalar na táboa clasificatoria.
Na primeira parte comeza dominando o Burela con 3 oportunidades nos primeiros 5 minutos con dous paradóns dunha Ángela que destacou moi notablemente neste partido. Cun Lles Corts que comeza máis tímido pero defendendo moi ben a súa cancha, no minuto 9 Laura consegue o 0-1 nunha contra tras un roubo nun pase de Antía Pérez en media pista. Tras este primeiro gol do equipo visitante comeza a verse un partido máis igualado, no que o Burela vese afectado por ese tanto en contra ao comezo do xogo. No minuto 12 Patricia non logra exceder de novo a Ángela nunha oportunidade clara de gol. E chega o empate no minuto 17 con gol de Irene Samper nun saque de falta de Cilene. Cando parece que chega o descanso co marcador 1-1, chega o segundo do Pescados Rubén cun remate de Cami ao segundo pau nun pase de Irene Samper.
Na segunda parte sae a portería Jozi Oliveira xunto coas mesmas 4 xogadoras do quinteto inicial. No minuto 22 comeza Irene Samper cunha clara que detén a porteira do conxunto catalán nun remate tras un saque de corner. No minuto 29 gol de Laia tras unha recuperación e contraataque de Laura. No minuto 31 a capitá do conxunto laranxa, Dany case consegue adiantar o marcador nun rexeite que non deixa pasar unha vez máis Ángela. Comeza a atacar con Cilene como porteira-xogadora o conxunto de Julio Delgado. E chega o 3-2 no minuto 37 cun golazo de Cami en un disparo raso afastado que se coa entre os pés da defensa catalá. Remata o encontro coa presión do xogo a cinco por parte do conxunto rival que non logra empatar o partido.
Aínda que moi sufrido pero ofrecendo ás cámaras de Teledeporte un partido moi emocionante, tres puntos máis para o Pescados Rubén Burela FS que continúa invatible durante o que vai desta tempada 23/24. Na próxima xornada as Guerreiras Laranxas enfrontaranse, nun competido encontro, ao terceiro clasificado (á espera do resultado de hoxe), o MRB Móstoles FSF, que se enfronta ao Castro esta mesma tarde.
Ficha Técnica FSF Pescados Rubén Burela FS – A.E. Les Corts-UBAE
Pescados Rubén Burela FS (3): Caridad; Cilene, Cami, Irene Samper, Patricia -quinteto inicial-, Irene, Dany (C), Antía Pérez, Claudia, Aroa, Noelia Montoro, Jozi Oliveira (P). Entrenador: Julio Delgado.
A.E. Les Corts-UBAE (2): Ángela; Luci, Peña, Aina, Martita -quinteto inicial-, Irati, Laura, Laia, Kris, Helena, Paula, Laura. Entrenador: Robert Caneda – “Rober”
Goles: 0-1, min.9: Laura. 1-1, min.17: Irene Samper. 2-1, min.20: Cami. 2-2, min.29: Laia. 3-2, min.37: Cami.
Árbitros: Lidia Crespo Pardo, Tania Penabad Canel, Eloy Bello Gómez, Andrea de Luis Iglesia.
TA: Lino Gil Gil.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
