O popular lamenta que “en infinidade de plenos se estean a botar para atrás os informes que o equipo de goberno subcontrata a unha empresa externa, o que demostra que non se está a facer ben o traballo”
Foz, 1 de decembro de 2023. O portavoz do Grupo Municipal Popular, Javier Castiñeira, lamenta que “desgraciadamente se consumara o xoves negro para os veciños de Foz. Foi tan negro que ata non funcionou a radio”. A este respecto, os populares pregúntanse se “é unha casualidade ou non, á vista da falta de transparencia coa que o bipartito PSOE-BNG levou a proposta de subir ata 15 impostos, que pretendían impoñer pola porta de atrás sen informar aos veciños”.
O popular subliña que “non se informou aos usuarios da Escola de Música nin das Escolas Deportivas de que se ía subir a taxa, non se informou aos hostaleiros de que ían subir as taxas das terrazas nunha media de 3 veces o prezo actual e tampouco á asociación de xubilados de que ía saír a concurso público o Náutico cuns prezos públicos que son totalmente desaxustados. Foi o Partido Popular o que fixo que os veciños, polo menos, teñen a información”, explica Castiñeira, que lamenta “o rodillo”.
O portavoz explica que “a conclusión que sacamos do pleno é mala”. O PP ofreceulle ao BNG deixar enriba da mesa a taxa ás terrazas para analizar co sector, os hostaleiros, e coa ACIA; “pero o BNG segue submiso ao alcalde e negouse”.
Castiñeira cre que “para o único que serve o BNG é para deixar que o alcalde campe ás súas anchas e para cobrar un salario; pero despois non se ve o traballo”. De feito, “os informes que traen ao pleno están mal”. De feito, a ordenanza dos prezos públicos da Escola de Música e das Escolas Deportivas foi retirada porque había fallos nos informes.
O popular lamenta que “en infinidade de plenos se estean a botar para atrás os informes que o equipo de goberno subcontrata a unha empresa externa, o que demostra que non se está a facer ben o traballo”.
“Lamentablemente, o BNG é o maior cómplice nesta suba de impostos”, conclúe o portavoz do PP.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
