Ribadeo, 30 de decembro de 2023. O alcalde, Dani Vega, fai un balance positivo do ano que remata e considera que o 2024 será esperanzador para Ribadeo e a súa veciñanza. Así o asegura nun vídeo coa súa mensaxe de felicitación para estas datas.
O rexedor inicia a súa intervención sinalando que “remata o 2023, un ano cargado de ilusión, de proxectos e cambios, un ano con moitas alegrías e tamén momentos difíciles, e en especial quero recordar a baga de lumes que sufrimos todos os ribadenses”.
Vega subliña que “fomos un exemplo como pobo de entrega, servizo, solidariedade… son palabras que definen claramente a Ribadeo. Agora toca xestionar a colaboración institucional para ir solucionando os problemas”.
O alcalde sinala que “en breve comezará un ano e tamén un orzamento para investir: 12,3 millóns de euros, o máis alto da historia de Ribadeo. Como goberno sabemos que temos que traballar arreo, é dicir centrarnos nos retos nos que debemos avanzar como pobo. Trátase dun orzamento máis social: a reforma do hospital asilo, a construción do novo centro de saúde e seguir mellorando e perfeccionado o servizo de axuda no fogar”.
Vega segue a súa disertación cos retos para o novo ano: “un Ribadeo máis rural apostando por un novo plan de infraestruturas estratéxico e pactado cos veciños e ir incrementado o orzamento todos os anos. Un Ribadeo máis sustentable, tamén un Ribadeo máis verde e aplicando novas medidas: mellorar os parques, facer a reforma integral do Campo de San Francisco e o xardín de Indianos. E mellorar as nosas infraestruturas, é dicir as rúas de Ribadeo. E entre todos ter un Ribadeo máis limpo. Queremos un Ribadeo con máis servizos e por iso xa estamos a traballar en novos aparcadoiros, un Ribadeo que estea aberto ao mundo e por iso estamos a crear un plan estratéxico de turismo, abrindo as portas e tendo claro que somos a capital astur galaica. E tamén queremos avanzar para que Ribadeo se converta nun referente cultural, nunha verdadeira capital cultural, por iso o 2024 será un gran ano, entre todos seguiremos mellorando o Ribadeo que queremos”.
E engade: “neste Nadal, no que estades entre amigos e entre familia seguramente que estades a disfrutar tamén das actividades que temos en Ribadeo, deséxovos un próspero 2024”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
