Ribadeo, 30 de decembro de 2023. A Banda Municipal de Música de Ribadeo, dirixida por David Ballester Martínez, encheu de público o auditorio Hernán Naval durante o concerto Aquí como en Viena, no que houbo varias bromas.
A actuación empezou co director só no escenario e comunicándolle ao público que había un problema pois os músicos non apareceran aínda porque estaban tomando uns pinchos e que ía chamalos para que estiveran o antes posible, pero xusto neste momento entraron os compoñentes da Banda acompañados pola música de Feliz Navidad e como se viñeran de festa.
A continuación interpretaron os temas Mi gran noche, con arranxos de Azael Tormo; Resistiré, arranxada por Miguel Ferré; Fórmula V, con arranxos de Azael Tormo; e Polka party, arranxada por Paul Murtha. Despois tocaron Canon Pachelbel, con arranxos de Calvin Custer, peza na que o director tusiu, colleu unha chamada no teléfono e varios músicos puxéronse a facer selfies mentres que os trompetistas miraban un partido de fútbol no móbil, todo iso para facer parodia de cousas que pasan ás veces nos concertos entre os espectadores. O concerto seguiu coa interpretación da Marcha triunfal de Aida, de Verdi, na que Ballester dirixiu mirando cara ao público para que os asistentes viran as caras e os xestos do director e houbo varias bromas máis.
Despois a Banda ribadense tocou Destellos del alba, de Ferrer Ferrán, e Orpheus in de onderwereld, de Offenbach con arranxos de Ardenois. A continuación interpretaron dúas pezas -Annen polka, de Strauss arranxada por John Walls; e The Second Waltz, de Dimitri Shostakovich, con arranxos de André Waignein- co acompañamento de bailaríns da Escola Municipal de Música e Danza de Ribadeo, que ademais actuaron no primeiro bis, A orillas del Danubio azul, de Johann Strauss. E rematou este concerto coa Marcha Radetzky, tamén Johann Strauss, como é tradicional, pero nesta ocasión non foi dirixida por David Ballester senón que no atril puxeron un gato chino, presentado como Yositoko Suena, polo que a Banda interpretou esa peza sen director.
David Ballester destacou que cinco das pezas foron interpretadas por primeira vez pola Banda ribadense nesta actuación, felicitou o ano novo aos asistentes e desexoulles que o 2024 lles traia todo o que desexen.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
