Burela, 21 de decembro, 2023. Última xornada da FutsalWEC (Friendly Edition) esta tarde de xoves, na que se disputaron o SL Benfica – FC Marlène ás 18.00h e o Pescados Rubén Burela FS – Bitonto C5 Femminile ás 20.30h no pavillón municipal Vista Alegre de Burela. Un encontro moi competido, con dous equipos de moito nivel que demostraron en pista o enorme paso que se deu no futsal feminino a nivel internacional. Coa notable ausencia de Dany debido ao choque de onte ante o Benfica e ante un rival con moita potencia e motivación, as de Julio Delgado non conseguiron superar ás italianas, un conxunto moi forte que competirá mañá ás 20.00h a Gran Final da FutsalWEC ante o SL Benfica.
Comeza o encontro costa arriba para as mariñás, ante un Bitonto que aperta dende o primeiro segundo. O primeiro tiro a porta do Burela non é ata o minuto 6, nunha ocasión moi clara de Cami que fusila á escuadra pero que desvía a porteira italiana. Grandísima primeira parte de Castagnaro que aínda que o Burela non xerou todas as ocasións ás que nos ten afeitos, eran ocasións bastante certeiras das que a maioría conseguiu sacar a porteira italiana. No minuto 7 chega o primeiro gol do encontro cun disparo esquinado de Grieco. No 11 o segundo do Bitonto cun disparo da capitá Lucileia tras unha elegante deixada de tacón de Tampa. De novo no 11 paradón de Caridad tras un tiro moi próximo de Tampa con asistencia de Lucileia tras un pase longo da porteira, e no 13 o 0-3 de Renatinha nun descoido de Caridad que lla pasa directamente á xogadora rival. Tras varias oportunidades do Pescados Rubén, no minuto 15 un paradón de Castagnaro a un disparo de Emilly, outro disparo que roza o segundo pau de Irene Samper e de novo Emilly no 26 que dispara á cruceta. Chega o descanso co marcador do Pescados Rubén sen goles, 0-3.
No segundo tempo o Burela móstrase máis esperto, comeza presionando cunha primeira oportunidade clara de Patricia que detén de novo Castagnaro. 0-4 no minuto 25 cun gol de Mansueto tras unha boa transición. Chega o primeiro gol do conxunto local segundos despois, cun disparo potentísimo de Patricia coa zurda. No minuto 26 saímos con xogo de 5 con Cilene de porteira-xogadora e no 27 chega o 1-5 cun gol de Diana a portería baleira. Segundos despois Emilly consegue rascar o 2-5 coándolla a Castagnaro cun derechazo raso e de novo no 32 a mesma Máquina Marcondes, con asistencia de Rafinha desde a liña de fondo. Varias oportunidades para o Burela suceden nos últimos minutos, con xogo de 5, pero non conseguen remontar o resultado quedándose ás portas do campionato.
Desde o club damos parabén aos equipos que pasaron á final, tanto o Bitonto C5 Femminile como o SL Benfica, e desexámoslles moita sorte para a tarde de mañá en Vista Alegre, alí estaremos!
Todos os partidos da FutsalWEC poden verse en directo por streaming (prepartido, partido e postpartido) a través desta ligazón (Locutados polo noso habitual Miguel Albo, coa especial colaboración de David Rial, adestrador do equipo masculino do Peixes Rubén Burela FS. Tamén lles acompaña Joaquín Vázquez): https://futsalwec.com/directo/
Ficha Técnica Pescados Rubén Burela FS – Bitonto C5 Femminile
Pescados Rubén Burela FS (3): Caridad; Cami, Irene Samper, Patricia, Emilly -quinteto inicial-, Dany, Cilene, Antía Pérez, Aroa, Rafinha, Noelia Montoro, Jozi Oliveira. Entrenador: Julio Delgado.
Bitonto C5 Femminile (5): Castagnaro; Tampa, Diana, Renatinha, Lucileia -cinco inicial-, Nicoletti, Pezzolla, Trumino, Grieco, Divincenzo, Mansueto, Pernazza.
Goles: 0-1, min.7: Grieco. 0-2, min.11: Lucileia. 0-3, min.13: Renatinha. 0-4, min.25: Mansueto. 1-4, min.25: Patricia. 1-5, min.28: Diana. 2-5, min.28: Emilly. 3-5, min.32: Emilly.
Árbitros: Darriba Rivas, Vilas López, Díaz Marey y Fernández Dacosta.
TA: Rafinha, Noelia Montoro, Julio Delgado, Gianluca Marzuoli.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
