José María Fernández recorda á alcaldesa de Trabada que PSOE e BNG votaron en contra dos procedementos habilitados pola Xunta de Galicia para reforzar os cadros de persoal dos centros sanitarios no pleno do 24 de outubro de 2022 no Parlamento de Galicia
Trabada, 14 de decembro de 2023. Os concelleiros do PP de Trabada piden á alcaldesa que deixe de usar mentiras para facer políticas en temas tan delicados como a sanidade.
A alcaldesa de Trabada realizou onte un comunicado público a través da páxina web do Concello no que pedía á Xunta que repuxera o médico que vén de xubilarse no centro de saúde, pero, explica o voceiro do PP de Trabada, José María Fernández, que a rexedora “esqueceu” explicar a todos os trabadenses que PSOE e BNG votaron en contra dos procedementos habilitados pola Xunta de Galicia para reforzar os cadros de persoal dos centros sanitarios.
“Votaron en contra da Lei de medidas extraordinarias para postos sanitarios de difícil cobertura no pleno do 24 de outubro de 2022 do Parlamento galego”, explicou José María Fernández.
Segundo esta normativa, o procedemento permite a contratación por concurso de méritos – sen oposición – para o persoal médico dos centros de saúde e hospitais comarcais que teñen dificultades para cubrir prazas vacantes pola ausencia ou insuficiencia de aspirantes na listas de contratación.
José María Fernández explicou que “somos sabedores da escaseza de médicos” que sofren todas as comunidades, non sendo Galicia unha excepción, “pero tamén queremos explicar aos veciños de Trabada que a Consellería de Sanidade está a facer un esforzo moi grande para que haxa persoal en todo o horario de atención dos centros de sanitarios”, dando así cumprimento ao compromiso do Partido Popular cos servizos públicos e, en especial, con dar unha atención sanitaria de calidade, “algo que tamén se ve reflectido nos orzamentos da Xunta de Galicia para o ano 2024”.
José María Fernández recorda a todos os veciños de Trabada que “sempre estaremos ao seu carón para defender as súas reivindicacións, sempre que sexan xustas, do mesmo xeito que non entraremos no xogo da alcaldesa de facer política cun tema tan delicado como a saúde”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
