Ribadeo, 14 de decembro, 2023. Recentemente, un grupo de alumnos e alumnas do IES Ribadeo Dionisio Gamallo participou nuha Xeoruta financiada polo Concello de Ribadeo. O obxectivo era coñecer e valorar o patrimonio xeolóxico, concretamente, a zona de Piñeira e As Catedrais. Para iso estiveron acompañados polo doutor en xeoloxía Francisco Canosa, e polas profesoras Mónica Fiallega, Miriam Bouso e Susi Besteiro dos departamentos de xeografía e bioloxía.
O percorrido comezou por Piñeira, onde tras observar un mapa cos principais dominios xeolóxicos galegos, o alumnado aprendeu a diferenciar as dúas rochas predominantes na zona. Trátase de cuarcitas e lousas cámbricas, de 500 millóns de anos de antigüidade, que aínda que a simple vista poden parecer iguais ó tocalas ou fixarse, nótase que non. As cuarcitas son moito máis ásperas e duras cás lousas e iso provoca unha forte erosión diferencial que permite diferencialas ata dende lonxe xa que os estratos en resalte son cuarcíticos e os máis erosionados son lousas. Ademais, están intensamente deformadas polo que se observan numerosos anticlinais, sinclinais, pregues en M e ata fallas de rumbo.
A continuación, na praia das Catedrais, o obxectivo era descubrir as distintas etapas polas que pasa o cantil ata formarse os famosos arcos. O alumnado puido observar como a partir de pequenas covas modeladas a favor dunha fractura, o mar foi modelando túneis rochosos, a continuación nos puntos de intersección das fallas formáronse “ollos” e finalmente os arcos, que representan a fase máis evolucionada.
Foron 3 interesantes horas de xeoloxía de campo, con algún chubasco polo medio que non impediu disfrutar e aprender moitas cousas novas. Finalmente, rematamos cunha reflexión sobre os perigos do turismo masivo e a necesidade de controlar os accesos á praia e á parte alta do cantil por ser a zona máis vulnerable.
Polo tanto, dende o IES Ribadeo Dionisio Gamallo, queremos agradécelle ó Concello de Ribadeo e a Fran Canosa a súa colaboración para poder facer esta actividade e agardamos que sirva para que o alumnado sexa quen de valorar e divulgar o noso patrimonio xeolóxico.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
