Mariña Gueimunde denuncia que o goberno local pretende recortar as axudas aos clubs deportivos e ás asociacións, ademais de subir as taxas do lixo, a cota de entrada á piscina e de comezar a cobrar a ocupación de vía pública das terrazas dos negocios de hostalería
Viveiro, 29 de decembro de 2023. Os concelleiros do PP de Viveiro amósanse asombrados ante o que se está a vivir no concello co tándem Loureiro-Bermúdez: “teñen oito concelleiros de dezasete e non falan con ninguén para negociar un documento fundamental, como son os orzamentos, e así acadar os apoios necesarios, xa que nin se sentaron a falar con quen lles deu gratis o goberno municipal para impedir o goberno de cambio do PP que reclamou a cidadanía nas urnas”.
Mariña Gueimunde cree que “hai escasa cultura democrática, e sobra prepotencia e ousadía”. “O que nun municipio se vai facer cos cartos de todos, hai que falalo con tódalas forzas con representación, máis cando estás moi lonxe da maioría. Que non chame a quen gañou as eleccións é de nota, pero o desprezo a quen lle deu gratis a Alcaldía é colosal”, criticou.
A popular sinala que “semella unha inocentada” que presentaron por separado o edil de Facenda (PSOE) e a tenente de alcaldesa (BNG), “nun novo exemplo de que Viveiro ten un goberno dividido que non prioriza os problemas dos vivairenses, se non que cada parte do goberno preocúpase do seu”.
A voceira popular remarca o seu total rexeitamento a unhas contas municipais cuns inexplicables recortes ao asociacionismo cultural e deportivo do municipio: “había cartos para dedicacións exclusivas e soldos de concelleiros, pero para quen con moito sacrificio e xeneroso traballo contribúe a que haxa actividades culturais e a que os mozos fagan deporte, a eses aplícanlles uns recortes de máis dun 30% do que viñan percibindo, que xa era unha ridiculez”; e incide nas súas reivindicacións: “A alcaldesa aplica ao deporte uns recortes desorbitados e inxustos. É intolerable, e ningún partido político cunha mínima sensibilidade social, pode aprobar unhas contas onde figure semellante redución nas axudas”, afirmou.
Mariña Gueimunde fai esta afirmación ao comprobar como ademais de recortar as axudas a clubs e asociacións, tamén pretenden incrementar taxas como a do lixo, subir a cota de acceso á piscina ou cobrar aos hostaleiros a ocupación da vía das terrazas para “así poder sufragar despilfarros de Loureiro e Bermúdez”.
Mariña Gueimunde insiste en que Viveiro “non merece este desgoberno, sen ideas novas, sen diálogo institucional, sen capacidade para unha xestión eficiente das contas municipais, que aboca a cadralas recorrendo aos recortes en deporte para poder despilfarrar en fogos de artificio político para as comenencias do PSOE e BNG”.
A realidade é que os orzamentos do tándem Loureiro-Bermúdez “son irreais e non se axustan á realidade”. “Tan pronto como coñezamos o balance das contas do último trimestre do ano veremos como está descompensado pola elevada cifra de recoñecemento de débeda arrastrada do exercicio anterior e que pode rondar os 500.000€, segundo a intervención municipal”, explicou.
“Isto é unha fuxida a ningures, unha verdadeira vergoña que ten continuidade porque XViveiro deu prioridade aos prexuízos ideolóxicos ao cambio que Viveiro reclamou nas urnas”, sentenciou.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
