Burela, 16 de decembro, 2023. Esta tarde ás 18.45h no pavillón municipal Vista Alegre de Burela xogábase a 14ª xornada da Primeira Division Iberdrola FS, Pescados Rubén Burela FS – Rayo Majadahonda AFAR 4 FSF, un encontro no que uns 700 espectadores gardaron un minuto de silencio previo partido e no que as xogadoras habitualmente laranxas, xogaron co seu segundo equipamento, a negra, como mostra de respecto á súa amiga e compañeira de profesión e, de moitas delas, de equipo, Jennifer Santos. O encontro comezou con certos apuros para o conxunto burelense, pero tras o descanso, unha vez máis o Pescados Rubén Burela FS vénse arriba e suma tres puntos con 6 goles nunha segunda parte na que non deixaron levantar cabeza a un rival en postos de descenso que necesitaba puntuar e que fixo o que puido ante un arrasador Pescados Rubén.
No minuto 4 chega o primeiro e último gol da primeira parte, cun disparo de Irene Samper tras unha fermosa triangulación entre Emilly, Patricia e a xogadora maña. Con numerosísimos tiros a porta e numerosísimas paradas de Raquel, unha das xogadoras que máis traballou esta tarde, aínda que o equipo visitante tamén logra xerar varias situacións de perigo que incomodan ao Burela na súa cancha, chega o descanso sen goles.
No segundo tempo comeza o festival co segundo gol do partido e de Irene Samper, que lla coa a Raquel tras un pau de Emilly e un disparo no rexeite de Patricia que tamén detén a incansable porteira do equipo madrileño. Continúa o encontro dominando o Burela, xerando numerosas ocasións e tiros a porta que se reparten nas boísimas paradas de Raquel e os desacertos na puntería das xogadoras do conxunto mariñán, ata o minuto 33 no que chega o 3-0 cun gol de Emilly que aproveita un pase da morte ao segundo pau de Irene Samper. Un minuto despois o 4-0, cun gol en propia meta de Pitxi. Coa tranquilidade que achega o avultado marcador, aínda que tamén un xesto de confianza importante tendo en cuenta o minuto de xogo, sae Ester a defender os paus do seu equipo natal no minuto 35 de xogo. No minuto 37 chega o 5-0 cun gol de Rafinha tras unha asistencia de Patricia. No 38 Dany define ante Raquel e consegue o 6-0 e no 39 Noelia Montoro culmina o 7-0 a portería baleira atacando o Rayo con porteira-xogadora. No minuto 39 Ester mete o 7-1 en propia porta e remata o encontro cun Furacán Laranxa que continúa coroando a táboa clasificatoria sen sufrir unha derrota en toda a tempada ata o parón de Nadal.
A semana que vén preséntase dura pero motivadora, con 3 ou 4 partidos en 4 días nos que as discípulas de Julio Delgado competirán na FutsalWEC, en Vista Alegre, por ser nomeadas as mellores xogadoras de europa desta tempada ante SL Benfica, CF Marlène e Bitonto C5 Femminile. O próximo e último partido de liga da primeira volta desta tempada xogarase o día 7 de xaneiro ante o Viaxes Amarelle na Coruña.
Ficha Técnica Pescados Rubén Burela FS – Rayo Majadahonda AFAR 4 FSF
Pescados Rubén Burela FS (7): Jozi Oliveira; Dany, Cilene, Irene Samper, Emilly -quinteto inicial-, Cami, Antía Pérez, Aroa, Rafinha, Patricia, Noelia Montoro, Ester (P). Entrenador: Julio Delgado.
Rayo Majadahonda AFAR 4 FSF (1): Raquel; María Barcelona, Chili, Paula Llorente, Pitxi -cinco inicial-, M. de Diego, MArisa, Iraia, Peque, Montull (P). Entrenador: Emilio Céspedes
Goles: 1-0, min.4: Irene Samper. 2-0, min.21: Irene Samper. 3-0, min.33: Emilly. 4-0, min.34: Pitxi (PP). 5-0, min.37: Rafinha. 6-0, min.38: Dany. 7-0, min.39: Noelia Montoro. 7-1, min.39: Ester (PP)
Árbitros: Mayra Camila Araujo, José Manuel Carreira Romero, Sergio Piñeiro Rivas, Álvaro Cambeiro Lobato.
TA: Noelia Montoro, Raquel, Marisa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
