Ribadeo, 3 de xaneiro de 2024. O alcalde, Dani Vega, aposta polo traballo conxunto entre administracións para ter un novo centro de saúde en Ribadeo. E subliña que o equipo de goberno está a escoitar todas as opinións sobre esta importante infraestrutura.
O rexedor sinalou: “debemos escoitar todas as opinións e todas as propostas. Nisto é no que está o goberno municipal, o Concello de Ribadeo, sobre distintos temas municipais que nos preocupan, que debemos mellorar e polo tanto o centro de saúde é unha cuestión prioritaria para Ribadeo”.
Vega contou que “nosoutros reunímonos con Modepen para escoitar as súas propostas, recoller as súas opinións e así mellorar entre todos, co máximo respecto, coa máxima lealdade e tamén cun obxectivo claro: mellorar o centro de saúde, mellorar tamén a atención neste centro de saúde actual, ter máis servizos sanitarios e loitar todos por un novo centro de saúde que vai traer de forma rápida e directa novos servizos sanitarios a Ribadeo”.
O alcalde subliñou que “o obxectivo é mellorar a sanidade pública e todos debemos traballar conxuntamente. Eu agradezo profundamente a Modepen que tivesen esta xuntanza con nós, comigo e cos concelleiros delegados, e tamén ter esa reunión coa Xunta de Galicia. Eu expliqueilles cal foi a decisión, na pasada lexislatura o goberno municipal propuxo este terreo, todo o pleno aprobou esa ubicación e entendemos que era a mellor opción. Había outras, pero non cumpren coa normativa urbanística”.
Daniel Vega indicou que “non podiamos perder o tempo, nosoutros desde a oposición tamén criamos que había outras opcións e cando chegamos ao goberno municipal os técnicos municipais explicáronnos que eran boas propostas, pero que non collía o edificio do centro de saúde, que non collía o 061 para telo alí de forma conxunta e que o obxectivo da Xunta era telo cerca das infraestruturas, é dicir das estradas que conecten rápido coa autovía para así reducir ese tempo vital para chegar ao Hospital da Mariña”.
Para o rexedor ribadense “son criterios técnicos, razoables, que lle expliquei a esta asociación, pero tamén lles dixen que os técnicos municipais explican isto e tamén queremos que veña a Xunta de Galicia e vos explique. Nestes momentos xa están chegando os informes preceptivos, que de forma rápida cando chegamos ao goberno nos puxemos a traballar, e teñen de fecha límite para chegar todos ata o 21 de xaneiro e a partires de aí xa faremos a modificación provisional do Plan Xeral para poder construír o centro de saúde”.
Daniel Vega dixo que “estamos dando pasos rápidos nestes poucos meses de goberno, estamos traballando de forma conxunta coa Xunta de Galicia e tamén imos ter unha xuntanza co conselleiro para ir avanzando na mellora dos servizos sanitarios. Un traballo conxunto, entre todos, que respectamos a Modepen, que escoitamos as súas propostas neste caso e noutras moitas máis materias que son de interese para Ribadeo. Entre todos estamos a facer un traballo necesario para mellorar a sanidade pública de Ribadeo, que é o obxectivo de todos”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
