A Mariña, 23 de xaneiro de 2024. Excelente acollida das Xeorutas das Minas e das Catedrais, organizadas pola Mancomunidade de Concellos da Mariña en xaneiro, ao abeiro do seu programa de Xeoturismo no contexto do Plan de Sostibilidade Turística. Preto de 40 persoas gozaron destas dúas últimas actividades que sumadas ás que acudiron en decembro á Xeoruta de Cerrochán pasan das 50.
Durante este mes de xaneiro realizáronse dúas Xeorutas novas dentro do programa de Xeoturismo da Mariña Lucense no contexto do Plan de Sostibilidade Turística, que está cofinanciado pola Mancomunidade, co apoio da Deputación de Lugo, a Xunta de Galicia e a Secretaría de Estado de Turismo. A primeira delas tivo lugar o 13 de xaneiro na praia das Catedrais, onde o xeólogo Iván Rodríguez falou dos materiais que forman os cantís deste emblemático areal e de como a rede ortogonal de fracturas condiciona a evolución de furnas e pasadizos, ollos e arcos, tan característicos deste Monumento Natural. Ata as Catedrais achegáronse un total de 20 persoas de diferentes lugares da xeografía galega, aínda que tamén de Asturias, Madrid, e mesmo estranxeiros residentes en Santiago de Compostela.
A segunda das rutas de xaneiro foi o pasado sábado, día 20, na Pontenova, para realizar a Xeoruta das Minas, desta vez, cunha ollada xeolóxica. Os asistentes puideron observar as rochas do sinclinal de Vilaoudriz e recibiron información sobre a orixe e explotación do ferro nas minas de Boulloso e Vilaoudriz, que deron lugar á formación da vila da Pontenova. A esta cita acudiron 17 persoas, das 20 previstas, chegadas de diferentes puntos da xeografía galega e persoas da zona vencelladas ao ferro.
A Mancomunidade anunciará en breve as actividades de Xeoturismo previstas para febreiro así coma as formacións que se desenvolverán entre febreiro e marzo. O resto de actividades estarán concentradas ao longo dos meses de marzo, abril, maio, xuño e setembro. As formacións programaranse en tempada baixa para facilitar a asistencia de xestores do territorio, informadores e técnicos de turismo, guías e empresas de actividades turísticas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
