Foz, 17 de xaneiro de 2024. O Concello de Foz tratará no pleno da corporación municipal que se celebrará o 25 deste mes a licitación da cafetería do Centro Social e o Estudio de Viabilidade Económica do contrato da auga. Este xoves, día 18, será a Comisión de Asuntos Preparatorios para esa sesión plenaria.
O alcalde, Fran Cajoto, explica que “Foz continúa co traballo administrativo. Os orzamentos do ano 2024, aprobados no pleno ordinario do mes de novembro, están xa en vigor desde comezos de ano. No pleno deste mes debaterase a aprobación do expediente de licitación do contrato do servizo de cafetería do Bar Náutico, situado no Centro Social”.
O rexedor municipal destaca a importancia do expediente: “durante a pasada lexislatura vimos a importancia de recuperar para os nosos maiores o Bar Náutico, un auténtico punto de encontro social que fora suprimido. O primeiro paso foi crear para a gran labor social da Asociación Virxe do Carme un entorno axeitado, fito que cumprimos coa inauguración no mes de xaneiro do ano 2023 dun novo local no peirao despois dunha inversión de máis de 61.000 euros. O acondicionamento do café bar Náutico do Centro Social, no que se investiron máis de 76.000 euros, supuxo a transformación do antigo local nun espazo aberto ao mar e adaptado ás persoas con mobilidade reducida”.
O alcalde engade: “o Concello fixa un horario de apertura mínimo para a cafetería desde as 9 da mañá ás 9 da noite de luns a domingo. Rematados os trámites as persoas interesadas deberán presentar a súa mellor oferta económica, tendo en conta que os maiores de 65 anos teñen uns prezos máximos establecidos”.
Outro punto fundamental para o Concello que se tratará no pleno de xaneiro é o estudo de viabilidade económica para a concesión do servizo de abastecemento de auga potable, saneamento e depuración de augas residuais do Concello de Foz, que actualmente xestiona a empresa Gestagua. Fran Cajoto explica: “temos a obriga de licitar un contrato caducado e obsoleto, para avanzar nunha mellor xestión de algo tan importante como é a auga. Neste estudo contémplase un investimento de 1,2 millóns de euros, co obxectivo de mellorar as plantas potabilizadoras de Fazouro e Cordido e anticiparnos a problemas como os acontecidos este pasado verán. Ademais inclúese un canon inicial que deberá aportar a nova concesionaria, de 1,1 millóns de euros, para melloras da rede e outras actuacións; e un canon variable, sobre o que se poderá ofertar na fase de concurso. O obxectivo é investir para ter unha auga da máxima calidade e renovar unhas tubaxes que presentan demasiadas roturas. Isto unido a unha eficaz xestión das augas residuais é unha meta que debemos acadar”. Asociado a este expediente e con estes obxectivos, lévase tamén a pleno a modificación da ordenanza reguladora dos prezos públicos municipais correspondentes á subministración de auga potable, rede de saneamento e depuración.
Outros prezos públicos que se tratarán nesta sesión son os da Escola de Música e das Escolas Deportivas Municipais, que quedaron pendentes do anterior pleno.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
