Patricia Otero apunta que o goberno central non descarta a intervención da planta, pero pídelle antes á empresa que acredite a súa situación financeira e determine as necesidades para traballar na viabilidade
Santiago de Compostela, 29 de xaneiro de 2024. A parlamentaria socialista Patricia Otero reclamou hoxe “respectar a vontade dos traballadores” de Alcoa, que están a esixir o cumprimento dos acordos asinados en 2020 para reiniciar as cubas e garantir a continuidade dos postos de traballo. Así o dixo no debate da Deputación Permanente para pedir a comparecencia do presidente da Xunta, a quen lle reclamou que concrete as medidas da Xunta para garantir os postos de traballo.
A responsable socialista subliñou que os socialistas galegos “seguimos no que piden os traballadores, seguimos a respectar a súa vontade, e todos e todas debemos centrar os esforzos nese camiño neste momento”. Sinalou que “é o momento de que as administracións lle esixan a Alcoa que cumpra coas administracións e cos traballadores para garantir a reapertura da planta de aluminio de San Cibrao”.
Salientou a posición “coherente e responsable” do Ministerio de Industria, que lle está a reclamar á empresa que acredite a súa situación financeira e determine as necesidades para a planta, seguindo o seu “compromiso firme” para traballar pola continuidade da actividade nun sector estratéxico como o aluminio en España, Galicia e na Mariña.
Adiantou que “non se descarta ningunha medida, nin sequera a intervención da planta”, pero puntualizou que “neste momento estamos noutro escenario”, que é o de “respectar o que pediron e votaron os traballadores da planta, que non é outra que se cumpra o acordo”.
Otero reclamoulle ao PP que clarifique se están a seguir a liña do actual presidente da Xunta, chamando á unidade e evitar buscar rédito político, ou a da conselleira de Industria e da candidata do PP en Lugo Elena Candia, “galopando na primeira liña da demagoxia e do populismo”. Criticou que aproveiten a situación para “intentar sacar tallada”, chegando a acusar ao PSOE de “desmantelar” Alcoa.
Reclamoulle ao goberno galego que clarifique como está a cumprir coa súa parte do acordo para presionar á multinacional, e lembrou que están a agardar pola autorización para a ampliación da balsa de lodos vermellos que garanta a continuidade da planta de Alúmina. Lembrou que o PP que agora se abre á intervención da planta é o mesmo que privatizou a empresa, e reclamoulle a Rueda que clarifique se o seu suposto apoio a esta medida inclúe fondos propios da Xunta.
Afeoulle ademais ao BNG que desboten o acordo asinado polos traballadores e se limiten a pedir a intervención da planta pero sen clarificar se están a falar dun proceso temporal, dunha nacionalización ou nunha participación no capital da sociedade. Reclamou que “non quede nun eslógan” do BNG que mentres tanto “o único que fai é darlle un balón de osíxeno a quen quere o peche da factoría” e ademais “debilita” a posición dos traballadores..
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
