Dende o PP piden a Tomé que “se deixe de intentar dar leccións aos demais” e comece por “dar exemplo” poñendo en marcha medidas para axudar a atraer proxectos industriais á provincia e de apoio aos mozos e emprendedores
Lugo, 19 de xaneiro de 2024. “Tomé e o PSOE son os únicos freos á creación de emprego e ao asentamento industrial na provincia de Lugo”. Así de contundentes se amosan os deputados do Grupo Provincial Popular na Deputación de Lugo, “cansos das constantes mentiras do presidente provincial que sempre presume do que non fai”.
O voceiro popular, Antonio Ameijide, recorda que “non se ve nos orzamentos provinciais nin a máis mínima intención de potenciar nin impulsar os sectores produtivos da provincia”, sendo este un gran indicativa do “abandono” aos sectores produtivos por parte da Deputación. “Paralizaron todos os proxectos industriais vencellados á Deputación nos últimos anos”, denunciou.
Ameijide pon un exemplo moi claro da “nula preocupación” de Tomé e o PSOE en materia industrial: “Nin coidan as empresas que xa temos e frean o asentamento de novas iniciativas ao negarse a mellorar e manter a rede viaria provincial, dificultando e impedindo as comunicacións”.
Pero hai moitos máis exemplos. “Non deu continuidade aos proxectos da xa extinta sociedade urbanística provincial, herdando os seus activos e nada máis; paralizou a política industrial que tiña a Deputación do mesmo xeito que foi incapaz de apoiar os poucos proxectos que había en marcha”, denunciou, como igualmente se desentendeu dos xóvenes “cancelando as axudas aos estudantes do campus, eliminando as liñas de creación de emprego e os incentivos ao emprendemento”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
