“Será a Xunta de Besteiro a que reforzará a sanidade pública porque ese é o noso modelo: unha sanidade pública, gratuíta, de calidade e universal. Puxémola en pé os socialistas e seremos os socialistas os que a recuperaremos”
Lugo, 9 de xaneiro de 2024. Os socialistas da provincia de Lugo acusan ao Partido Popular de “mentir descaradamente” cando, por medio do director asistencial da área sanitaria de Lugo-A Mariña-Monforte, dixo que non se pecharon centros de saúde no rural. O PSdeG lembra que a Xunta pechou o consultorio de Castro, en Carballedo, e precarizou a atención –reducindo días de consulta e persoal- nos de Parga (Guitiriz); Castro de Rei; Cervo e Nadela (Lugo) tras mantelos pechados durante meses. Ademais, tivo cerrado o consultorio de Bóveda; deixou o ambulatorio de Castroverde sen médicos no Nadal; e en Negueira de Muñiz non hai facultativo dende outubro.
Polo tanto, “que non lle mintan aos veciños e veciñas, porque eles sofren cada día o desmantelamento da atención primaria que está perpetrando o Partido Popular na nosa provincia”.
“O panorama é desolador”, pois, ademais dos peches de centros, “o PP provocou na Xunta unha redución de persoal tan grave que a día de hoxe o 80% dos 67 concellos da provincia de Lugo teñen falta de médicos de familia, enfermeiros e pediatras”. “Viveiro, con máis de 15.000 habitantes non ten pediatra dende hai un ano e chega a haber só dous médicos ou mesmo un, dos 10 que tiña que haber; en Monforte, con máis de 18.000 habitantes, hai só 5 médicos dos 12 que tiña que haber; e na Fonsagrada só hai dous, dos 5 que había. E así toda a provincia”, subliñaron os socialistas.
“Con Touriño, os pacientes tiñan cita ao día seguinte”
“Cando gobernaba Touriño, os pacientes tiñan cita ao día seguinte no seu centro de saúde. Hoxe tardan semanas, ata para as receitas, e, por iso, tamén se colapsan as Urxencias, porque a xente non pode esperar e vai ao hospital”, recalca o PSdeG provincial. Unha situación, recalca, que recoñece o propio xefe de Urxencias do HULA. De feito, segundo os datos que ofreceu nunha entrevista xornalística, a afluencia a Urxencias disparouse no 2023, con 6.000 máis ca no ano anterior, “o que non ten unha causa puntual, como os picos de gripe, senón que ese incremento se está convertendo en algo estrutural polo desmantelamento da Atención Primaria”.
“A sanidade pública está atravesando a peor etapa da historia por culpa do PP. En 15 anos de Feijóo e Rueda, perdemos 900 profesionais na Atención Primaria, privatizaron servizos, empeoraron as condicións laborais dos traballadores e foron incapaces de prever a xubilación dos médicos para cubrir as vacantes”.
Os socialistas recalcan que será a Xunta de Besteiro a que “recuperará e reforzará” a sanidade pública porque “ese é o noso modelo: unha sanidade pública, gratuíta, de calidade e universal. Puxémola en pé os socialistas e seremos os socialistas os que a recuperaremos”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
