González Casares: “Enfrontámonos a una marea de incompetencia, ocultación e mentiras do Goberno da Xunta”
Bruxelas, 18 de xaneiro de 2024. O eurodeputado socialista Nicolás González Casares reuniuse co comisario de Medio Ambiente, Océanos e Pesca, Virginijus Sinkevičius, para pedirlle “mellor coordinación europea para afrontar a crise ambiental ocasionada polos pélets e apoio para a restauración dos danos que provocaron sobre os ecosistemas”. Ademais, defendeu a necesidade de “estender o regulamento contra a contaminación por pélets ao comercio marítimo internacional e establecer a xeolocalización obrigatoria de contedores para axudar á xestión en caso de accidente”.
González Casares denunciou a “marea de incompetencia, ocultación e mentiras por parte do goberno autonómico, do goberno do PP, que se pasou semanas negando a importancia dunha contaminación, e cuxa nefasta xestión deixou a concellos e cidadáns á súa sorte nas tarefas de limpeza”.
O eurodeputado socialista lembrou tamén que “mentres Rueda negou a realidade durante un mes e ata hai uns días non pisou un areal”, o candidato do PSdeG á Xunta, José Ramón Gómez Besteiro, “foi o primeiro en achegarse ás praias e comprobar en persoa o desastre ambiental que había”. Así mesmo, puxo en valor que o socialista mantivo unha reunión de coordinación cos alcaldes e alcaldesas dos municipios afectados, “o que debería ter feito a Xunta dende o primeiro día”, apuntou.
Ademais, sinalou que os pélets son “un serio risco para a saúde e o medio ambiente, que hai que combater, como fan a Comisión e o Goberno de España”. Por iso, insistiu na necesidade dunha lexislación europea “reforzada e ambiciosa, como a que propuxemos os socialistas no Parlamento Europeo”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
