“Levamos moito tempo perdido por responsabilidade dos gobernos de PP e PSOE e non se lle pode seguir tomando o pelo nin a Galiza nin aos traballadores e traballadoras”, recalca
Santiago de Compostela, 25 xaneiro 2023. A portavoz nacional e candidata á Presidencia da Xunta, Ana Pontón, comprometeuse hoxe, se obtén a confianza dos galegos e das galegas o próximo 18F, a poñer en marcha a intervención pública de Alcoa para salvar a actividade e o emprego da factoría.
Na presentación en Pontevedra da alternativa económica de goberno do BNG, que inclúe un Plan de fomento da actividade tecnolóxica e industrial para “reindustrializar o País” incrementando en oito puntos o peso da industria no PIB, Pontón advertiu que “para poder avanzar, o que non podemos é perder o tecido empresarial que temos”.
Neste sentido, mostrou a súa preocupación pola situación que vive Alcoa, a “única factoría de produción de aluminio do Estado”, e anunciou que se os galegos e as galegas lle dan a súa confianza para ser presidenta defenderá unha solución para a planta.
“E neste momento -avanzou- isto pasa por que haxa unha intervención pública da Xunta e o Estado, unha intervención conxunta entre ambas Administracións” coa que se despexe “dunha vez por todas” o futuro da factoría “tanto en termos de produción como de emprego”.
A líder nacionalista recordou que Italia “salvou o seu sector” grazas a unha intervención pública que lle permitiu solucionar “este tipo de vaivéns derivado do deseño dunha multinacional” para logo buscar unha empresa solvente coa que poder xestionar ese sector.
“O que non podemos permitir baixo ningún concepto é que Alcoa peche”, subliñou, porque segundo advertiu, “sabemos que logo non imos ser capaces de recuperala”, polo que reiterou o seu firme compromiso para poñer en marcha esa intervención pública co obxectivo de “salvar o emprego e a actividade económica”.
Logo de considerar “evidente dende o primeiro minuto” que Alcoa quería pechar, Pontón denunciou que “levamos moito tempo perdido por responsabilidade dos gobernos do PP e do PSOE”, polo que concluíu que “non se lle pode seguir tomando o pelo nin a Galiza nin aos traballadores e traballadoras desta empresa”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
