“Por que esta medida se pode tomar con Telefónica e non con Alcoa?”, cuestiona, logo de advertir que é a propia empresa a que xa avanza dificultades a longo prazo
Santiago de Compostela, 26 de xaneiro, 2024. A portavoz nacional e candidata á Presidencia, Ana Pontón, afirmou en Santiago que “é o momento” de que tanto Xunta como Goberno central “dean un paso adiante” e aposten por unha intervención pública en Alcoa “que permita evitar que o futuro de miles de postos de traballo no noso País dependan das chantaxes dunha multinacional”.
Logo dun acto sobre saúde mental celebrado en Compostela e a preguntas dos medios sobre o anuncio do reinicio das cubas na factoría de San Cibrao, Pontón asegurou que o que precisa Galiza “son feitos e non palabras” e advertiu que na misiva que a propia empresa lle remite aos traballadores e traballadoras “segue falando de que hai dificultades a longo prazo”.
A líder nacionalista recordou que levamos vendo nestes últimos anos como Alcoa “está tomando decisións que poñen en risco o futuro e a viabilidade” da factoría e, neste sentido, incidiu en que o futuro das e dos traballadores da Mariña e da única fábrica de aluminio primario do País “non pode estar en mans dunha multinacional que vemos que non lle importa xogar co emprego”.
Nesta conxuntura, considerou que este é o momento de “tomar decisións transcendentes” para garantir a viabilidade da empresa. “Nós dixémolo xa hai moito tempo e todo o que vai pasando o confirma”, polo que apelou unha vez máis a Xunta e Goberno estatal para activar a intervención pública.
“Esta é unha medida legal que se pode tomar e o que non entendemos é porque se pode facer con Telefónica e non con Alcoa”, cuestionou para concluír que “o primeiro ten que ser o emprego” e apelar aos Executivos galego e centra a “actuar con responsabilidade”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
