Hoxe, 15 de xaneiro, cúmprense 23 anos do lanzamento e primeira edición da Wikipedia, e da web Creative Commons, polo que é o día da Wikipedia e do Dominio Público.
A Wikipedia comezou o seu camiño só en inglés, e houbo que esperar un par de anos a que se iniciara en galego, e un pouquiño máis a que aparecera o primeiro editor galego da Galipedia, alcumado Agremon, quen está a escribir isto.
Despois de tantos anos, tense amosado non só como a enciclopedia máis extensa xamais feita (mesmo a Galipedia, en relación ás enciclopedias en galego), senón asemade a máis precisa, superando por exemplo á Britannica. O seu ser colaborativo, comuneiro, ten sido usado para desprestixiala: ‘se calquera pode editar, pódese ver nela idioteces ou maldadades’. Mais o esprito do común tense sobreposto ata facer dela o que é na actualidade: un referente.
Como exemplo, collamos tres palabras: Galicia, Ribadeo, Vilalba.
En canto a Galicia, nestes momentos a voz aparece 138 linguas diferentes. Na Galipedia, a edición en galego, creouse a voz o 1 de febreiro de 2004, sendo editada dende aquela 1815 veces, a más das edicións da páxina de conversa (accesoria á principal). En castelán foi creada na madrugada do 4 de decembro de 2002, e dende aquela, foi editada 6643 veces. En inglés, foi creada o 8 de maio de 2004 e dende aquela leva 319 edicións.
En canto a Ribadeo, na versión da Galipedia, leva 723 edicións dende o 23 de agosto de 2003, e 141 visitas nos últimos 30 días, 581 edicións dende o 28 de agosto de 2004, e 2793 visitas nos últimos 30 días, na Wikipedia en castelán, e na inglesa, 107 dende o 1 de setembro de 2007, sendo vista nesta edición 314 veces nos últimos 30 días. En total, aparece en 42 versións, 42 linguas diferentes.
A outra entrada escollida, Vilalba, aparece en 39 linguas. Na Galipedia, editada en 307 ocasións dende o 6 de novembro de 2004, na edición en castelán como Villalba (Lugo), 711 veces dende o 11 de xullo de 2005, e en inglés, de novo como Vilalba, 125 edicións dende o 13 de xullo de 2006, sendo visitada nesta versión 369 veces nos últimos 30 días.
Os apuntamentos son só uns poucos dos datos que se poden obter de cada artigo nunha Wikipedia, pois gárdase un historial de cada unha das edicións: o que se fixo nela, cantos bytes variou o seu tamaño, quen/dende que i.p. se fixo, etc. É dicir, pódese ir ver como estaba a voz ‘mar’ a finais de abril do 2023, ou ver a primeira edición que se fixo de ‘electrón’, aló por febreiro de 2004.
Cumpríronse 23 anos, colaborando e mellorando. O próximo, serán 24 anos de colaboración e mellora…
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
