O concello ten solicitadas sen éxito desde hai moito tempo reunións co presidente da Xunta e con varias consellerías
Vilalba, 22 de febreiro de 2024. A alcaldesa de Vilalba, Marta Rouco, confía en que o novo goberno da Xunta de Galicia “sexa máis dialogante e afronte cunha mellor predisposición a búsqueda de solucións para varios temas e proxectos que necesitan unha solución urxente no noso concello”.
“Non se trata de tratar ben a un goberno local progresista, son os nosos veciños e veciñas os que merecen unha atención sanitaria digna no centro de saúde ou unha estación de autobuses en boas condicións”, lembra Rouco, que felicita “ao señor Rueda polo resultado electoral”.
A alcaldesa considera que “un primeiro paso debería ser incrementar o diálogo cun concello tan importante como Vilalba. Nada máis tomar posesión Alfonso Rueda, hai dous anos, pedimos unha reunión para desbloquear proxectos clave para Vilalba, pero en ningún momento atendeu a nosa solicitude”.
Ademais, o Concello de Vilalba ten solicitadas sen éxito desde hai meses reunións coa Consellería de Infraestruturas e Mobilidade, a Consellería de Política Social, ou a Secretaría Xeral para o Deporte para desbloquear proxectos clave para Vilalba.
“Hoxe mesmo, o presidente da Xunta dixo que non quería 100 días de marxe, que xa traballaba con normalidade, e eu pídolle que teña en conta aos veciños e veciñas de Vilalba”, afirma Marta Rouco.
“Hai demasiados asuntos pendentes, como tamén o centro de día ou a necesidade de que a Xunta aporte máis financiamento ao Servizo de Axuda no Fogar, ao que desde o concello aportamos 3,3 millóns de euros anuais”, manifesta a alcaldesa.
“Comeza unha nova lexislatura autonómica e eu confío en que chegue tamén á Xunta unha nova forma de entender a política; os veciños e as veciñas de Vilalba así o merecen”, remata Marta Rouco.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
