“Tendo en conta a ampla maioría de apoio recibido polo PP o pasado domingo, cremos que os vilalbeses referendaron a política da Xunta, independentemente de todos os ataques feitos pola alcaldesa”, din
Vilalba, 23 de febreiro de 2024. O Grupo Municipal do PP de Vilalba convida á alcaldesa socialista e ao seu equipo de goberno a “preocuparse por xestionar debidamente os asuntos de competencia municipal” porque “a súa mala xestión supón “a perda de subvencións doutras administracións”.
Ante as declaracións da alcaldesa poñendo deberes ao Goberno autonómico, os populares convidan á señora Rouco a “cumprir coa súa parte” porque cren que “o que merecen os nosos veciños é que o goberno local atenda ás súas competencias” e “non perda máis subvencións” porque “se o Concello non recibe eses apoios por non cumprir coa súa parte, os custes teranos que pagar todos os vilalbeses”.
Á perda dunha axuda de 50.000 euros para a praza Emigración e de 193.000 euros para a rúa do Calvario no anterior mandato, hai que engadir outras subvencións perdidas neste mandato coma os 193.000 para o camiño do Cotarón, os 140.000 euros aos que renunciaron para mellorar o CEIP Mato Vizoso e o anexo da Madalena ou os 46.000 euros para mellorar a rede de abastecemento de auga. Tamén rexeitaron a axuda de preto de 450.000 euros para a plantación de árbores no casco urbano e deixaron perder “por non licitar a obra a tempo” outro millón de euros para a reforma da Casa do Concello, “outro exemplo de obra faraónica ideada polo goberno local que puido ter aproveitado esa axuda para arranxar outras instalacións municipais”.
“O desastre na xestión é tal que solicitan axudas, pero non se preocupan de cumprir os prazos nin de presentar a documentación xustificativa e acaban perdéndoas ou, incluso, noutros casos, rexéitanas”, explica o viceportavoz, José María García-Leira.
ENGANOS QUE SAEN CAROS
O popular engade que “os continuos anuncios do goberno local que non se chegan a materializar son un engano aos veciños que, ademais, sae caro porque hai que pagar igualmente polos proxectos técnicos aínda que non se fagan as obras prometidas”.
COMPROMISO CON VILALBA
O Partido Popular, incluídos os seus representantes no Concello, e tamén o Goberno da Xunta teñen manifestado en numerosas ocasións o seu compromiso con Vilalba, “incluso apoiando áreas que non son competencia autonómica como é o caso do SAF que é un servizo municipal. Aínda así a Xunta sufraga arredor do 60% do seu custe”. De feito, “o ano pasado achegou a Vilalba máis de 2 millóns de euros para o Servizo de Axuda no Fogar”.
Así mesmo, “tendo en conta a ampla maioría de apoio recibido polo PP o pasado domingo, cremos que os vilalbeses referendaron a política da Xunta, independentemente de todos os ataques feitos pola alcaldesa”. Nese sentido, “temos que agradecer o apoio dos veciños e veciñas ao PP nas eleccións autonómicas tanto nas parroquias do rural coma no casco urbano”, conclúen.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
