Foz, 5 de marzo de 2024. O Concello de Foz anuncia que a auga da traída en Cordido volve ser apta para todos os usos, incluídos beber e cociñar.
O Concello de Foz está a subministrar auga a Cordido procedente da potabilizadora (ETAP) de Fazouro desde este martes, día 5 de marzo, despois das obras de emerxencia que comezaron o sábado 24 de febreiro.
O alcalde, Fran Cajoto, explica que “Cordido conta cunha captación propia no río das Fontes, de Moucide. Os derrubios neste río e unha potabilización moi básica provocaron unha perda de calidade da auga, polo que o Concello veuse na obriga de non recomendar o seu uso para beber e cociñar. O sábado 24 de febreiro comezamos unhas obras de emerxencia para conectar a rede de Cordido coa xeral do Concello, que se nutre do caudal do río Ouro. Onte, luns, fixéronse as probas de funcionamento do equipo de presión instalado no barrio de Ferradás, en Cordido, que permite que a auga da traída chegue ás vivendas máis elevadas da parroquia”.
A obra de emerxencia consistiu na disposición de 320 metros lineais dunha nova tubaxe de polietileno de 63 milímetros de diámetro enterrada, que une a zona de As Lagas en Cangas con Ferradás, en Cordido. Ademais, instalouse un novo sistema de impulsión con bombas, calderín e depósito, que permite dispoñer da presión suficiente para chegar ás vivendas máis elevadas da parroquia.
“Co subministro de auga a Cordido desde a potabilizadora de Fazouro podemos garantir que as veciñas e veciños desta parroquia poden usar con tranquilidade a auga para beber e cociñar. Esta conexión das dúas traídas vainos dar maiores opcións na xestión da rede. De calquera xeito estamos traballando para que a auga captada no río Fontes, de Moucide, tamén conte con todas as garantías para o seu consumo”, remata o alcalde.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
